ەندى قازاقستاندىقتار سالىقتى ءبولىپ تولەيدى نەمەسە مەرزىمىن كەيىنگە قالدىرا الادى

فوتو: Stan.kz

قازاقستاندا سالىقتى ءبولىپ تولەۋگە, ءتىپتى تولەۋ مەرزىمىن كەيىنگە قالدىرۋعا بولادى. بۇل تۋرالى qandastar.kz اقپارات اگەنتتىگى 31-ارنانىڭ ينفورمبيۋرو جاڭالىقتار قىزمەتىنە سىلتەمە جاساپ حابارلايدى.

الماتى قالاسىنىڭ مەملەكەتتىك كىرىستەر دەپارتامەنتىنىڭ مالىمەتىنشە, زاڭعا سايكەس كەز كەلگەن ازامات قارجىلىق قيىندىعى بولسا ءوتىنىش ءبىلدىرىپ, سالىق ماسەلەسىن رەتتەۋگە قۇقىلى. ياعني, بورىشكەر جينالعان سالىقتىڭ تولىق سوماسىن بىرجولعى تولەۋ شارتتارىمەن 6 ايعا كەيىنگە قالدىرا الادى. نەمەسە 3 جىل بويى اي سايىن ءبولىپ تولەۋ مۇمكىندىگى بەرىلەدى. الايدا بۇل جەڭىلدىكتەر تولەنبەگەن ايىپپۇلدارعا, يمپورتتالعان تاۋارلار ءۇشىن وتەلمەگەن قوسىمشا قۇن سالىعىنا, ۇلتتىق قورعا اۋدارىلاتىن تولەمدەر بويىنشا قولدانىلمايدى.

“جەڭىلدىك قولدانىلعان بۇكىل كەزەڭ ءۇشىن ەسەپتەلەتىن ءوسىمپۇلدى تولەۋگە مىندەتتى. تەك فورس-ماجورلىق جاعداي تۋىنداسا نەمەسە وڭالتۋ ءراسىمىن قولدانعان كەزدە ءوسىمپۇل ەسەپتەلمەيدى”, – دەيدى الماتى قالاسى مەملەكەتتىك كىرىستەر دەپارتامەنتىنىڭ باسقارما باسشىسى ايجان بەكەەۆا.
بۇعان دەيىن سالىق كودەكسىنە بايلانىستى ميلليونداعان قازاقستاندىقتىڭ جالاقىسى قايتا ەسەپتەلەتىنىتۋرالى جازعان ەدىك.