Endi qazaqstandyqtar salyqty bólip tóleıdi nemese merzimin keıinge qaldyra alady

Foto: Stan.kz

Qazaqstanda salyqty bólip tóleýge, tipti tóleý merzimin keıinge qaldyrýǵa bolady. Bul týraly qandastar.kz aqparat agenttigi 31-arnanyń Informbıýro jańalyqtar qyzmetine silteme jasap habarlaıdy.

Almaty qalasynyń memlekettik kirister departamentiniń málimetinshe, zańǵa sáıkes kez kelgen azamat qarjylyq qıyndyǵy bolsa ótinish bildirip, salyq máselesin retteýge quqyly. Iaǵnı, boryshker jınalǵan salyqtyń tolyq somasyn birjolǵy tóleý sharttarymen 6 aıǵa keıinge qaldyra alady. Nemese 3 jyl boıy aı saıyn bólip tóleý múmkindigi beriledi. Alaıda bul jeńildikter tólenbegen aıyppuldarǵa, ımporttalǵan taýarlar úshin ótelmegen qosymsha qun salyǵyna, Ulttyq qorǵa aýdarylatyn tólemder boıynsha qoldanylmaıdy.

“Jeńildik qoldanylǵan búkil kezeń úshin esepteletin ósimpuldy tóleýge mindetti. Tek fors-majorlyq jaǵdaı týyndasa nemese ońaltý rásimin qoldanǵan kezde ósimpul eseptelmeıdi”, – deıdi Almaty qalasy memlekettik kirister departamentiniń basqarma basshysy Aıjan Bekeeva.
Buǵan deıin Salyq kodeksine baılanysty mıllıondaǵan qazaqstandyqtyń jalaqysy qaıta esepteletinitýraly jazǵan edik.