جاڭالىقتار
ەندى قازاقستانعا كەلۋ ءۇشىن ۆيزا راسىمدەۋدە نەنى ءبىلۋ كەرەك?
![](https://qandastar.kz/wp-content/uploads/2024/05/IMG_6209-780x405.jpeg)
مەملەكەت باسشىسى «حالىقتىڭ كوشى-قونى جانە قىلمىستىق-اتقارۋ جۇيەسى سالاسىنداعى زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭعا قول قويعان ەدى.
«حالىقتىڭ كوشى-قونى تۋرالى» زاڭداعى جاڭا باپتارعا سايكەس شەتەلدىك جۇمىس كۇشىن پايدالاناتىن زاڭدى جانە جەكە تۇلعالاردى تەكسەرۋ ءتارتىبى زاڭنامالىق دەڭگەيدە بەكىتىلەدى. بۇل كوشى-قوندى باقىلاۋدىڭ تيىمدىلىگىن ارتتىرىپ, جۇيەلى تۇردە جاسالاتىن جانە جاسىرىن قۇقىق بۇزۋشىلىقتاردى انىقتاۋعا مۇمكىندىك بەرەدى,- دەيدى ول.
سونداي-اق ەندى وتباسىمەن قاۋىشۋ ينستيتۋتىن نىعايتۋ ماقساتىندا قازاقستان رەسپۋبليكاسىنا كەلۋگە ۆيزانى راسىمدەۋ كەزىندە وتباسى مۇشەلەرىن قارجىلىق تۇرعىدا قامتاماسىز ەتە الاتىنىن نە شاقىرۋشى تاراپ, نە شاقىرىلعان ادام راستاۋى قاجەت بولادى. اتالمىش تالاپ بۇرىندارى تەك شاقىرۋشى ادامعا عانا قاتىستى بولاتىن.
مامان سوزىنشە جاڭا زاڭ بويىنشا بىرنەشە ۆيزاسى بار ينۆەستورلار ءۇشىن قر-دا تۇراقتى تۇرۋ ءۇشىن جاعدايلار كەڭەيتىلگەن.
شەتەلدىكتەر مەن ازاماتتىعى جوق ادامدارعا قازاقستاندا تۇراقتى تۇرۋعا رۇقسات بەرۋدەن باس تارتۋ نەمەسە رۇقساتتىڭ كۇشىن جويۋ ءۇشىن قوسىمشا نەگىزدەر ازىرلەندى.
– قاجەتتى كاسىپتەر تىزبەسى نەگىزىندە تۇراقتى تۇرۋعا رۇقسات العان, بىراق ءبىر جىلدا 183 كۇن ىشىندە ماماندىق بويىنشا جۇمىس ىستەمەگەندەردىڭ رۇقساتى ءوز كۇشىن جويادى;
– كوشى-قون, سالىق جانە ەڭبەك زاڭناماسىن بۇزعانى ءۇشىن جاۋاپقا تارتىلعانداردىڭ تۇراقتى تۇرۋعا رۇقساتتان باس تارتاتىن نەمەسە كۇشىن جوياتىن مەرزىمى ناقتىلاندى. بۇل مەرزىم «جىل ىشىندە» دەپ ايقىندالدى.
– ەل اۋماعىندا 183 كۇننەن از تۇراتىن ادامدارعا تۇراقتى تۇرۋعا رۇقساتتىڭ كۇشىن جويۋ شارتتارى ناقتىلاندى.
ءىسساپار, وقۋ, اۋرۋ جانە باسقا دا ناقتى سەبەپتەر بولسا, شەتەلدىككە تۇراقتى تۇرۋعا بەرىلگەن رۇقسات ءوز كۇشىن جويمايدى,- دەپ اتاپ ءوتتى ول.