Jańalyqtar
Endi Qazaqstanǵa kelý úshin vıza rásimdeýde neni bilý kerek?
![](https://qandastar.kz/wp-content/uploads/2024/05/IMG_6209-780x405.jpeg)
Memleket basshysy «Halyqtyń kóshi-qony jáne qylmystyq-atqarý júıesi salasyndaǵy zańnamalyq aktilerge ózgerister men tolyqtyrýlar engizý týraly» Zańǵa qol qoıǵan edi.
«Halyqtyń kóshi-qony týraly» zańdaǵy jańa baptarǵa sáıkes sheteldik jumys kúshin paıdalanatyn zańdy jáne jeke tulǵalardy tekserý tártibi zańnamalyq deńgeıde bekitiledi. Bul kóshi-qondy baqylaýdyń tıimdiligin arttyryp, júıeli túrde jasalatyn jáne jasyryn quqyq buzýshylyqtardy anyqtaýǵa múmkindik beredi,- deıdi ol.
Sondaı-aq endi otbasymen qaýyshý ınstıtýtyn nyǵaıtý maqsatynda Qazaqstan Respýblıkasyna kelýge vızany rásimdeý kezinde otbasy múshelerin qarjylyq turǵyda qamtamasyz ete alatynyn ne shaqyrýshy tarap, ne shaqyrylǵan adam rastaýy qajet bolady. Atalmysh talap buryndary tek shaqyrýshy adamǵa ǵana qatysty bolatyn.
Maman sózinshe jańa zań boıynsha birneshe vızasy bar ınvestorlar úshin QR-da turaqty turý úshin jaǵdaılar keńeıtilgen.
Sheteldikter men azamattyǵy joq adamdarǵa Qazaqstanda turaqty turýǵa ruqsat berýden bas tartý nemese ruqsattyń kúshin joıý úshin qosymsha negizder ázirlendi.
– qajetti kásipter tizbesi negizinde turaqty turýǵa ruqsat alǵan, biraq bir jylda 183 kún ishinde mamandyq boıynsha jumys istemegenderdiń ruqsaty óz kúshin joıady;
– kóshi-qon, salyq jáne eńbek zańnamasyn buzǵany úshin jaýapqa tartylǵandardyń turaqty turýǵa ruqsattan bas tartatyn nemese kúshin joıatyn merzimi naqtylandy. Bul merzim «jyl ishinde» dep aıqyndaldy.
– el aýmaǵynda 183 kúnnen az turatyn adamdarǵa turaqty turýǵa ruqsattyń kúshin joıý sharttary naqtylandy.
Issapar, oqý, aýrý jáne basqa da naqty sebepter bolsa, sheteldikke turaqty turýǵa berilgen ruqsat óz kúshin joımaıdy,- dep atap ótti ol.