جاڭالىقتار
ەندى قاجىلىققا 5 جىلدىق تاجىريبەسى بار تۋرفيرمالار عانا اپارا الادى – قمدب
قازاقستان مۇسىلماندارى ءدىني باسقارماسى 2026 جىلعى قاجىلىقتى ۇيىمداستىرۋ ءۇشىن تۋروپەراتورلار اراسىندا كونكۋرس جاريالادى. بايقاۋ «ۇمىتكەر تۋروپەراتورلارعا قاجىلىق ورىندارىن ءبولۋدىڭ ەرەجەسى» نەگىزىندە وتەدى, دەپ حابارلايدى Qandastar.kz
كونكۋرس تالاپتارى:
- «قاجىلىق-2026» ماۋسىمىنا دايىندىعى جانە ناقتى يگەرە الاتىن قاجىلىق ورىن سانى مەن مۇمكىندىگى تۋرالى قمدب-عا ءوتىنىش حات جىبەرۋ;
- تۋروپەراتورلىق قىزمەتتى جۇزەگە اسىرۋ بويىنشا قر قولدانىستاعى زاڭناماسىنىڭ تالاپتارىنا ساي بەرىلگەن ءتيىستى مەملەكەتتىك ليتسەنزياسىنىڭ جانە قر تۋريستىك قىزمەتى تۋرالى زاڭىنىڭ 27-3-بابىنىڭ 1-تارماعىنا سايكەس قوسىمشاسىنىڭ بولۋى;
- سالىق كوميتەتىندە تىركەلگەنى تۋرالى كۋالىگىنىڭ جانە سالىقتارى تولەنگەنىن ايعاقتايتىن قۇجاتتاردىڭ بولۋى;
- قاجىلىق پەن ۇمرانى ۇيىمداستىرۋدا تۇراقتى وڭ 5 جىلدىق تاجىريبەسىنىڭ بار ەكەندىگىن ايعاقتايتىن قۇجاتتاردىڭ بولۋى;
- قر زاڭدارىن جانە ساك تاراپىنان قاجىلىققا قاتىستى قويىلعان تالاپتاردى بۇزباۋى;
- قر اۋماعىندا حالىققا ساپالى قىزمەت كورسەتە الاتىن كەڭسەسىنىڭ بولۋى (كەڭسەنىڭ مەكەن-جاي انىقتامالىعى, كەڭسە نەمەسە عيماراتتى جالعا العان كەلىسىم-شارتى).
اتالعان قۇجاتتار 2025 جىلعى 18 تامىزدان باستاپ hajj@muftyat.kz پوشتاسى ارقىلى 2025 جىلعى 31 تامىزعا دەيىن قابىلدانادى. كورسەتىلگەن مەرزىم ارالىعىندا قۇجاتتارىن تاپسىرماعان تۋروپەراتوردىڭ ۇسىنىستارى قارالمايدى.
