Endi qajylyqqa 5 jyldyq tájirıbesi bar týrfırmalar ǵana apara alady – QMDB

Qazaqstan musylmandary dinı basqarmasy 2026 jylǵy qajylyqty uıymdastyrý úshin týroperatorlar arasynda konkýrs jarııalady. Baıqaý «Úmitker týroperatorlarǵa qajylyq oryndaryn bólýdiń erejesi» negizinde ótedi, dep habarlaıdy Qandastar.kz

Konkýrs talaptary:

• «Qajylyq-2026» maýsymyna daıyndyǵy jáne naqty ıgere alatyn qajylyq oryn sany men múmkindigi týraly QMDB-ǵa ótinish hat jiberý;
• Týroperatorlyq qyzmetti júzege asyrý boıynsha QR qoldanystaǵy zańnamasynyń talaptaryna saı berilgen tıisti memlekettik lıenzııasynyń jáne QR týrıstik qyzmeti týraly zańynyń 27-3-babynyń 1-tarmaǵyna sáıkes qosymshasynyń bolýy;
• Salyq komıtetinde tirkelgeni týraly kýáliginiń jáne salyqtary tólengenin aıǵaqtaıtyn qujattardyń bolýy;
• Qajylyq pen umrany uıymdastyrýda turaqty oń 5 jyldyq tájirıbesiniń bar ekendigin aıǵaqtaıtyn qujattardyń bolýy;
• QR zańdaryn jáne SAK tarapynan qajylyqqa qatysty qoıylǵan talaptardy buzbaýy;
• QR aýmaǵynda halyqqa sapaly qyzmet kórsete alatyn keńsesiniń bolýy (keńseniń meken-jaı anyqtamalyǵy, keńse nemese ǵımaratty jalǵa alǵan kelisim-sharty).

Atalǵan qujattar 2025 jylǵy 18 tamyzdan bastap hajj@muftyat.kz poshtasy arqyly 2025 jylǵy 31 tamyzǵa deıin qabyldanady. Kórsetilgen merzim aralyǵynda qujattaryn tapsyrmaǵan týroperatordyń usynystary qaralmaıdy.