جاڭالىقتار
ەندى قۇمار ويىن ويناعان مەملەكەتتىك قىزمەتشىلەر جۇمىستان شىعارىلادى
فوتو: canva
ويىن بيزنەسى تۋرالى زاڭدا قۇمار ويىندارعا قاتىسۋ جانە ءباس تىگۋلەر سىبايلاس جەمقورلىققا قارسى شەكتەۋلەر تىزىمىنە ەنگىزىلگەن. بۇل تۋرالى تۋريزم جانە سپورت ۆيتسە-ءمينيسترى ميراس تولەباەۆ مالىمدەدى, دەپ حابارلايدى Skifnews.kz اقپارات پورتالى.
«جەكە تۇلعالاردىڭ قۇمار ويىندارعا جانە ءباس تىگۋگە قاتىسۋدى ءوز بەتىنشە شەكتەۋىنىڭ ەڭ ۇزاق مەرزىمى 10 جىلعا دەيىن ۇلعايتىلدى. بۇگىندە تىزىمدە 140 مىڭنان استام ادام بار», – دەدى ميراس تولەباەۆ ورتالىق كوممۋنيكاتسيالار قىزمەتىندە وتكەن بريفينگتە.
بۇدان بولەك مەملەكەتتىك قىزمەتشىلەر مەن اسكەري قىزمەتكەرلەرگە قۇمار ويىندارعا قاتىسۋعا تىيىم سالىنادى.
«زاڭدا قۇمار ويىندارعا قاتىسۋ جانە ءباس تىگۋلەر سىبايلاس جەمقورلىققا قارسى شەكتەۋلەر تىزىمىنە ەنگىزىلگەن. تەرىس سەبەپتەر بويىنشا ءتارتىپ بۇزۋشىلار جۇمىستان شىعارىلادى. تىيىمنىڭ ورىندالۋىن مەملەكەتتىك ورگانداردىڭ كادر قىزمەتى, انتيكور جانە مەملەكەتتىك قىزمەت ىستەرى اگەنتتىگى قاداعالايتىن بولادى. قازىر وسى نورمانى زاڭعا تاۋەلدى اكتىلەر دەڭگەيىندە ىسكە اسىرۋ تەتىگى بويىنشا جۇمىس جۇرگىزىلىپ جاتىر», – دەدى سپيكەر.
