Endi qumar oıyn oınaǵan memlekettik qyzmetshiler jumystan shyǵarylady

Foto: canva

Oıyn bıznesi týraly zańda qumar oıyndarǵa qatysý jáne bás tigýler sybaılas jemqorlyqqa qarsy shekteýler tizimine engizilgen. Bul týraly Týrızm jáne sport vıe-mınıstri Mıras Tólebaev málimdedi, dep habarlaıdy Skifnews.kz aqparat portaly.

«Jeke tulǵalardyń qumar oıyndarǵa jáne bás tigýge qatysýdy óz betinshe shekteýiniń eń uzaq merzimi 10 jylǵa deıin ulǵaıtyldy. Búginde tizimde 140 myńnan astam adam bar», – dedi Mıras Tólebaev Ortalyq kommýnıkaııalar qyzmetinde ótken brıfıngte.

Budan bólek memlekettik qyzmetshiler men áskerı qyzmetkerlerge qumar oıyndarǵa qatysýǵa tyıym salynady.

«Zańda qumar oıyndarǵa qatysý jáne bás tigýler sybaılas jemqorlyqqa qarsy shekteýler tizimine engizilgen. Teris sebepter boıynsha tártip buzýshylar jumystan shyǵarylady. Tyıymnyń oryndalýyn memlekettik organdardyń kadr qyzmeti, Antıkor jáne Memlekettik qyzmet isteri agenttigi qadaǵalaıtyn bolady. Qazir osy normany zańǵa táýeldi aktiler deńgeıinde iske asyrý tetigi boıynsha jumys júrgizilip jatyr», – dedi spıker.