ەندى قۇجاتتاردىڭ تۇپنۇسقاسىن بىرگە الىپ ءجۇرۋ كەرەك

Air Astana اۋە كومپانياسى 19 شىلدە كۇنى ساعات 02:00-دەن 08:00-گە دەيىن قازاقستان بويىنشا ىشكى رەيستەرگە ۇشاتىن جولاۋشىلاردان قۇجاتتارىنىڭ تۇپنۇسقاسىن وزدەرىمەن بىرگە الىپ ءجۇرۋدى سۇرادى, دەپ جازدى Qandastar.kz سايتى turkystan.kz-كە سىلتەمە جاساپ.

«كورسەتىلگەن ۋاقىتتا تەحنيكالىق جۇمىستار جۇرگىزىلۋىنە بايلانىستى eGov.kz پورتالى مەن eGov mobile ءموبيلدى قوسىمشاسىنا, سونىڭ ىشىندە “تسيفرلىق قۇجاتتار” قىزمەتىنە ۋاقىتشا قولجەتىمدىلىك شەكتەلەدى», – دەلىنگەن حابارلامادا.

قۇجاتتارىنىڭ تۇپنۇسقاسى جوق جولاۋشىلار ۇشاققا جىبەرىلمەيدى.