Endi legıonerlerge bıýdjetten aqsha bólinbeıtin boldy

kollaj inbusiness.kz

Legıonerlerge aqsha tóleýge jol bermeıtin zańdyq normany Úkimet qoldady. Bul týraly Májilis depýtaty Nartaı Aralbaıuly Instagram jelisindegi resmı paraqshasynda aıtty, dep habarlaıdy qandastar.kz Skifnews.kz aqparat portalyna silteme jasap.

Onyń aıtýynsha, adam estimegen sport túrlerine aqsha berip kelgen mınıstrliktiń sheshimi de toqtatyldy. 180 sport túri qysqartylady. Tıisti normany Úkimet qoldady.

«Qazaqstan Respýblıkasynyń keıbir zańnamalyq aktilerine dene shynyqtyrý jáne sport, sondaı-aq normalardyń artyq (shamadan tys) zańnamalyq reglamenttelýin bolǵyzbaý máseleleri boıynsha ózgerister men tolyqtyrýlar engizý týraly» Zańynyń 49 baby:

Birinshi bóligi: «Qazaqstan Respýblıkasynyń azamattary bolyp tabylmaıtyn sportshylardy bıýdjet qarajaty esebinen  qarjylandyrýdy júzege asyrýǵa tyıym salynady»

Ekinshi bóligi: «Qazaqstan Respýblıkasynyń azamattary bolyp tabylmaıtyn sportshylardy kvazımemlekettik sektor sýbektileriniń qarajaty esebinen qarjylandyrýǵa jol berilmeıdi», – dedi depýtat.

49-bap. Dene shynyqtyrý men sportty qarjylandyrý kózderiniń 6-tarmaǵy mynadaı mazmunda jazylady:

«Bıýdjet qarajaty esebinen qarjylandyrý mynadaı baǵyttar boıynsha júzege asyrylady:
1) joǵary jetistikter sporty, onyń ishinde sporttyń basym túrleri;
2) memlekettik sport uıymdarynyń jumys isteýi;
3) buqaralyq sport;
4) sporttyq ınfraqurylymdy damytý»;