جاڭالىقتار
ەندى مەملەكەتتىك قىزمەتكەرلەردىڭ جۇمىسىن جاساندى ينتەللەكت باعالايدى
فوتو: Pixabay
مەملەكەتتىك قىزمەتشىلەردىڭ جۇمىسىن ەندى جاساندى ينتەللەكت باعالايدى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
بۇگىن اتالعان سالا اگەنتتىگى, سەنات دەپۋتاتتارى جانە تاعى بىرقاتار ۆەدومستۆو وكىلدەرى جينالىپ, وسى ماسەلەنى تالقىلادى. ماقسات – مەملەكەتتىك قىزمەتتەگى ادامي فاكتوردى ازايتۋ جانە بىلىكتى مامان سانىن ارتتىرۋ. ول ءۇشىن مەملەكەتتىك قىزمەتكە قابىلداۋ ءادىسى جەڭىلدەتىلمەك. ماسەلەن باسقا سالادان كەلگەن مامانداردىڭ ەڭبەك ءوتىلى بۇرىن مەملەكەتتىك قىزمەتتە ەسەپتەلمەسە, بۇدان بىلاي نازارعا الىنباق. سونداي-اق ولاردى كونكۋرستان تىس باسشىلىق لاۋازىمدارعا تاعايىنداۋ ينستيتۋتى ەنگىزىلدى. بۇگىندە ەلىمىزدە 83 مىڭداي مەملەكەتتىك قىزمەتشى بار. ولاردىڭ جۇمىسىن قاداعالاۋ, باعالاۋ پروتسەسىن وڭتايلاندىرۋ ءۇشىن بۇدان بىلاي جاساندى ينتەللەكت قولدانىلماق, دەپ جازدى Qazaqstan.tv
«كىم قانداي جۇمىس اتقارىپ جاتىر, كىم قانداي زاڭنامالىق وزگەرىستەرگە اتسالىسىپ جاتىر, كىم قوعاممەن كوممۋنيكاتسيا ورناتىپ, جۇمىس ىستەپ كورىنىپ جاتىر. وسىنىڭ ءبارىن اۆتوماتتىق جۇيەدە باعالاۋدى «جاساندى ينتەللەكتكە», روبوتقا بەرسەك دەگەن وي بار», – دەدى قر مەملەكەتتىك قىزمەت ىستەرى اگەنتتىگىنىڭ توراعاسى دارحان جازىقباي.
