Endi nesıege «qońyraý shalý» arqyly tyıym salýǵa bolady

Foto: ashyq derekkóz

Endi nesıege «qońyraý shalý» arqyly tyıym salýǵa bolady, dep jazdy qandastar.kz

Qazaqstanda nesıege telefon arqyly tyıym salýǵa múmkindik beretin jańa qyzmet túri paıda boldy. Ol úshin 1414 nómirine qońyraý shalsańyz jetkilikti. Odan keıin qyzmet kórsetý tilin tańdap, «Nesıege tyıym salý» dep aıtý qajet.

Dybystyq sıgnaldan soń JSN engizip, SMS-kod arqyly áreketti rastaý kerek. Birinshi kredıttik bıýronyń habarlaýynsha, qajet bolǵan jaǵdaıda nesıe alýǵa salynǵan tyıymdy telefon arqyly alyp tastaýǵa da bolady. Bul servıs smartfondardy paıdalanbaıtyn, ınternetke qoljetimdiligi shekteýli azamattar úshin yńǵaıly bolýy múmkin.