ەندى نەسيەسىن تولەي الماي جۇرگەن قازاقستاندىقتار قارىزىن 5 جىلعا شەگەرە الادى

فوتو: اشىق دەرەككوز

نەسيەسىن تولەي الماي جۇرگەن ازاماتتارعا قارىزىن بەس جىلعا دەيىن شەگەرۋ مۇمكىندىگى بەرىلەدى. ول ءۇشىن ازامات سوتقا ءوتىنىش بەرۋگە ءتيىس. ال قۇزىرلى ورگان ارىز تۇسكەننەن كەيىن 10 جۇمىس كۇنى ىشىندە ءوتىنىش بەرۋشىگە جاۋاپ بەرۋى مىندەتتى. بۇل تۋرالى qandastar.kz 31-ارنانىڭ ينفورمبيۋرو جاڭالىقتار باعدارلاماسىنا سىلتەمە جاساپ حابارلايدى.

«ازاماتتاردىڭ تولەم قابىلەتىن قالپىنا كەلتىرۋ جانە بانكروتتىعى تۋرالى» زاڭعا سايكەس نەسيەسىن تولەي الماعان بورىشكەرلەر 5 جىلعا دەيىن قارىزىن كەيىنگە شەگەرە الادى. بىراق بۇل كەز كەلگەن ادامعا بەرىلە بەرمەيدى. تەك بىرنەشە ميكروقارجى ۇيىمدارى مەن بانكتەن اقشا الىپ, قايتارا الماي جۇرگەن جاندار ءوتىنىش بەرە الادى. سونداي-اق جالاقىسى وتە از, وزىنە جەتپەيتىن ادام بولۋعا تيىس”, – دەيدى قارجى مينيسترلىگىنىڭ وكىلى.

نەسيەنى كەيىنگە شەگەرۋ ءۇشىن الدىمەن تۇرعىلىقتى جەرى بويىنشا سوتقا جازباشا نەمەسە ەلەكتروندى تۇردە ءوتىنىش قالدىرۋ كەرەك. ول ءۇشىن كرەديتورلاردىڭ تالاپتارىن ورىنداي المايتىنىڭىزدى, ياعني تولەي المايتىنىڭىزدى راستاۋ قاجەت. ودان كەيىن نەسيە سوماسى كورسەتىلەدى. اتىڭىزدا قانداي م ۇلىك بار ەكەنى, ياعني ءۇي نەمەسە كولىك راسىمدەلگەنى تۋرالى اقپارات تا بەرىلەدى. ويتكەنى تولەم قابىلەتىن قايتا قالپىنا كەلتىرگەن كەزدە جالپى قارىز مولشەرى م ۇلىك قۇنىنان از بولۋى كەرەك جانە تۇراقتى تابىس بولۋى شارت.

“قالپىنا كەلتىرۋ جوسپارى قارجى باسقارۋشىسىمەن بىرلەسىپ ازىرلەنەدى جانە سوتتا بەكىتىلەدى. ول ءۇشىن ەكى جاقتىڭ دا, ياعني بورىشكەر مەن قارجى ۇيىمىنىڭ كەلىسىمى قاجەت. ايتا كەتەيىك, بورىشكەردىڭ ءوتىنىشى قابىلدانعان جاعدايدا قارىزىنىڭ ۇستىنەن قوسىلاتىن پايىز توقتاتىلادى. جاڭا نەسيە بەرىلمەيدى”, – دەدى قارجى مينيسترلىگىنىڭ مكك دارمەنسىز بورىشكەرلەرمەن جۇمىس باسقارماسىنىڭ باسشىسى مەرۋەرت سيسەمباەۆا.