Endi nesıesin tóleı almaı júrgen qazaqstandyqtar qaryzyn 5 jylǵa shegere alady

Foto: ashyq derekkóz

Nesıesin tóleı almaı júrgen azamattarǵa qaryzyn bes jylǵa deıin shegerý múmkindigi beriledi. Ol úshin azamat sotqa ótinish berýge tıis. Al quzyrly organ aryz túskennen keıin 10 jumys kúni ishinde ótinish berýshige jaýap berýi mindetti. Bul týraly qandastar.kz 31-arnanyń Informbıýro jańalyqtar baǵdarlamasyna silteme jasap habarlaıdy.

«Azamattardyń tólem qabiletin qalpyna keltirý jáne bankrottyǵy týraly» zańǵa sáıkes nesıesin tóleı almaǵan boryshkerler 5 jylǵa deıin qaryzyn keıinge shegere alady. Biraq bul kez kelgen adamǵa berile bermeıdi. Tek birneshe mıkroqarjy uıymdary men bankten aqsha alyp, qaıtara almaı júrgen jandar ótinish bere alady. Sondaı-aq jalaqysy óte az, ózine jetpeıtin adam bolýǵa tıis”, – deıdi qarjy mınıstrliginiń ókili.

Nesıeni keıinge shegerý úshin aldymen turǵylyqty jeri boıynsha sotqa jazbasha nemese elektrondy túrde ótinish qaldyrý kerek. Ol úshin kredıtorlardyń talaptaryn oryndaı almaıtynyńyzdy, ıaǵnı tóleı almaıtynyńyzdy rastaý qajet. Odan keıin nesıe somasy kórsetiledi. Atyńyzda qandaı múlik bar ekeni, ıaǵnı úı nemese kólik rásimdelgeni týraly aqparat ta beriledi. О́ıtkeni tólem qabiletin qaıta qalpyna keltirgen kezde jalpy qaryz mólsheri múlik qunynan az bolýy kerek jáne turaqty tabys bolýy shart.

“Qalpyna keltirý jospary qarjy basqarýshysymen birlesip ázirlenedi jáne sotta bekitiledi. Ol úshin eki jaqtyń da, ıaǵnı boryshker men qarjy uıymynyń kelisimi qajet. Aıta keteıik, boryshkerdiń ótinishi qabyldanǵan jaǵdaıda qaryzynyń ústinen qosylatyn paıyz toqtatylady. Jańa nesıe berilmeıdi”, – dedi qarjy mınıstrliginiń MKK dármensiz boryshkerlermen jumys basqarmasynyń basshysy Merýert Sısembaeva.