جاڭالىقتار
ەندى پوليتسەيلەر زاڭ بۇزۋشىلىقتاردى جاسىرىن تىركەي الۋى مۇمكىن
فوتو:اشىق دەرەككوز
قر ءىىم پوليتسيانىڭ قىزمەتتىك كولىكتەرىندە قالا سىرتىنداعى تراسسالاردى سايكەستەندىرۋ بەلگىلەرىنسىز پاترۋلدەۋ تاجىريبەسىن قولدانۋدى ۇسىندى, دەپ حابارلايدى Egemen.kz.
16 شىلدەدە باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ توراعاسى ءسابيت نۇرلىبايدىڭ جەتەكشىلىگىمەن جول قوزعالىسى قاۋىپسىزدىگىن قامتاماسىز ەتۋ جونىندەگى ۆەدومستۆوارالىق جۇمىس توبىنىڭ كەزەكتى وتىرىسى وتكەن ەدى.
كەزدەسۋ بارىسىندا اتىراۋ وبلىسىنىڭ تاجىريبەسى قارالدى, وندا قالا سىرتىنداعى تراسسالاردى بۇزۋشىلىقتاردى زاماناۋي فوتوبەينەتىركەۋ جۇيەلەرىمەن جابدىقتالعان سايكەستەندىرۋ بەلگىلەرى جوق پوليتسيانىڭ قىزمەتتىك اۆتوماشينالارمەن پاترۋلدەۋ جۇمىسى ءساتتى سىناقتان وتكەن.
بەلگىلى بولعانداي, مۇنداي قۇقىق بۇزۋشىلىقتار تۋرالى اقپارات اۆتوماتتى تۇردە بپ قسجاەك ءاىبت-ءنىڭ پروتسەسسينگ ورتالىعىنا جىبەرىلەدى, ال قۇقىقبۇزۋشىعا ايىپپۇل تۋرالى حابارلاما كەلەدى.
سونىمەن قاتار ءىىم ەلىمىزدىڭ بارلىق وڭىرىندە وسىنداي تاجىريبەنى سىناۋدى, سونداي-اق كوميتەتپەن بىرلەسىپ جول-كولىك وقيعالارىنىڭ دياگراممالارىن جاساۋ ءۇشىن «درونداردى» پايدالانۋ مۇمكىندىگى تۋرالى تەحنيكالىق شەشىمدى زەردەلەۋدى ۇسىنعان.
