ەندى QAZAQ AIR استانادان جەزقازعانعا كۇن سايىن ۇشادى

فوتو: اشىق دەرەككوز

QAZAR AIR اۋەكومپانياسى 27 قازاننان باستاپ استانادان جەزقازعانعا كۇندەلىكتى تۇراقتى رەيستەردى تومەندەگى رەيستەرگە سايكەس ورىندايدى, دەپ حابارلايدى Qandastar.kz.

كولىك مينيسترلىگى ءمالىم ەتكەندەي, دۇيسەنبى, سارسەنبى, جۇما جانە جەكسەنبى كۇندەرى استانا (07:35) – جەزقازعان (09:10), جەزقازعان (13:50) – استانا (14:45), ال سەيسەنبى, بەيسەنبى جانە سەنبى كۇندەرى استانا (07:35) – جەزقازعان (09: 00), جەزقازعان (09:40) – استانا (11: 00) رەيس كەستەسى شىققان.

ايتا كەتۋ كەرەك, بۇدان بولەك, جەزقازعان تۇرعىندارىنا استانا ارقىلى پەتروپاۆل, ومبى, ءنوۆوسىبىر, ەكاتەرينبۋرگ, قوستاناي, قىزىلوردا جانە الماتىعا قوسىلاتىن ىڭعايلى رەيستەر قاراستىرىلعان.