Endi úıinde turmaıtyn adamdardy tirkegender jaýapqa tartylýy múmkin

Foto: Úkimet

Májiliste Astana, Almaty jáne Shymkent sııaqty iri qalalardaǵy kóshi-qon proesterin retteıtin zań qaralyp jatyr, dep habarlaıdy  qandastar.kz

Zań jobasyn birinshi oqylymda Premer-mınıstrdiń orynbasary – Ulttyq ekonomıka mınıstri Serik Jumanǵarın tanystyrdy.

Qazirgi ýaqytta halyq iri qalalarda ómir súrýge talpynyp jatyr. Bul páterlerde turǵyndardyń sanyn shekteýsiz tirkeý problemasyna alyp keldi. Tájirıbe kórsetkendeı, turǵyn úı ıeleri úıinde naqty turmaıtyn júzdegen azamattardy tirkeý faktileri bar. Astana qalasynyń páterleriniń birinde 800-den astam adam tirkelgen. Jalpy aıtqanda, 924 osyndaı mekenjaı anyqtaldy, — dedi Jumanǵarın.

BAQ.KZ tilshisi habarlaǵandaı,  Úkimet múshesi máseleni qalaı sheshýge bolatynyn aıtty:

— elorda aýmaǵynda turaqty jáne ýaqytsha turatyn jeri boıynsha tirkeý normatıvin bekitý, ıaǵnı máslıhatpen aldaǵy ýaqytta bir azamatqa qansha sharshy metr tıisili ekeni belgilenedi;

— Astana aýmaǵynda bir mekenjaıda normatıvterden artyq tirkeýge tyıym salý boıynsha ózgerister engizý usynylady.

Serik Jumanǵarınnniń sózinshe, bul tirkeý normatıvteri turǵyn úıdiń menshik ıesiniń jáne jubaıynyń jaqyn týystaryna qoldanylmaıdy.

Sondaı-aq Ákimshilik quqyq buzýshylyq týraly kodeksine ózgerister men tolyqtyrýlar engizý aıasynda turǵyn úılerde tirkelgen jáne turmaıtyn jeke tulǵalardy tirkeýden shyǵarmaǵany úshin turǵyn úı ıesine jaýapkershilik kúsheıtiledi, — dep aıtty Premer-mınıstrdiń orynbasary Májilistegi otyrysta.

Aıta ketsek, búgin Májiliste «Qazaqstan Respýblıkasynyń keıbir zańnamalyq aktilerine astanany jáne respýblıkalyq mańyzy bar qalalardy damytý máseleleri boıynsha ózgerister men tolyqtyrýlar engizý týraly» zań birinshi oqylymda qaralyp jatyr.