ەنەرگەتيكا ءمينيسترى شەتەلدىكتەر ءۇشىن جانارماي باعاسىن كوتەرۋ تۋرالى بۇيرىققا قول قويدى

ەنەرگەتيكا مينيسترلىگىنىڭ باسشىسى الماسادام ساتقاليەۆ جانار-جاعارمايدىڭ بولشەك ساۋداداعى شەكتى باعاسىن وزگەرتۋ تۋرالى بۇيرىققا قول قويدى. بۇل رەتتە باعا تەك شەتەل ازاماتتارى ءۇشىن كوتەرىلەدى

مينيستر قول قويعان قۇجات 6 مامىردا نقا ەلەكتروندىق تۇردەگى ەتالوندىق باقىلاۋ بانكىنىڭ رەسمي سايتىندا جاريالاندى. بۇيرىق بويىنشا جانار-جاعارماي قۇيۋ ستانتسيالارىندا مۇناي ونىمدەرىن بولشەك ساۋدادا وتكىزۋگە مىناداي شەكتى باعالار بەلگىلەندى: 1) اي-80 ماركالى بەنزين – 1 ليتر ءۇشىن 89 تەڭگە; 2) اي-92 جانە اي-93 ماركالى بەنزين – 1 ليتر ءۇشىن 245 تەڭگە; قازاقستان رەسپۋبليكاسىندا بەرىلگەن جۇرگىزۋشى كۋالىگىن كورسەتكەن كەزدە 1 تاۋلىگىنە 100 ليترگە دەيىنگى كولەمدە – 1 ليتر ءۇشىن 205 تەڭگە; قازاقستان رەسپۋبليكاسىندا بەرىلگەن جۇرگىزۋشى كۋالىگىن جانە موتوتسيكلدەرگە, جەڭىل, جۇك, ارنايى, مامانداندىرىلعان اۆتوموبيلدەر مەن اۆتوبۋستارعا كولىك قۇرالىن تىركەۋ تۋرالى كۋالىكتى كورسەتكەن كەزدە 1 تاۋلىگىنە 300 ليترگە دەيىنگى كولەمدە – 1 ليتر ءۇشىن 205 تەڭگە;

3) ديزەل وتىنى (جازعى, ماۋسىمارالىق) – 1 ليتر ءۇشىن 315 تەڭگە; قازاقستان رەسپۋبليكاسىندا بەرىلگەن جۇرگىزۋشى كۋالىگىن كورسەتكەن كەزدە 1 تاۋلىگىنە 100 ليترگە دەيىنگى كولەمدە – 1 ليتر ءۇشىن 295 تەڭگە;

قازاقستان رەسپۋبليكاسىندا بەرىلگەن جۇرگىزۋشى كۋالىگىن جانە جۇك, ارنايى, مامانداندىرىلعان اۆتوموبيلدەر مەن اۆتوبۋستارعا كولىك قۇرالىن تىركەۋ تۋرالى كۋالىكتى كورسەتكەن كەزدە 1 تاۋلىگىنە 300 ليترگە دەيىنگى كولەمدە – 1 ليتر ءۇشىن 295 تەڭگە.». قۇجات العاش رەسمي جاريالانعاننان كەيىن 10 كۇن وتكەن سوڭ كۇشىنە ەنەتىنىن ەسكەرتىلگەن.