Energetıka mınıstri sheteldikter úshin janarmaı baǵasyn kóterý týraly buıryqqa qol qoıdy

Energetıka mınıstrliginiń basshysy Almasadam Sátqalıev janar-jaǵarmaıdyń bólshek saýdadaǵy shekti baǵasyn ózgertý týraly buıryqqa qol qoıdy. Bul rette baǵa tek shetel azamattary úshin kóteriledi

Mınıstr qol qoıǵan qujat 6 mamyrda NQA elektrondyq túrdegi etalondyq baqylaý bankiniń resmı saıtynda jarııalandy. Buıryq boıynsha janar-jaǵarmaı quıý stanııalarynda munaı ónimderin bólshek saýdada ótkizýge mynadaı shekti baǵalar belgilendi: 1) Aı-80 markaly benzın – 1 lıtr úshin 89 teńge; 2) Aı-92 jáne Aı-93 markaly benzın – 1 lıtr úshin 245 teńge; Qazaqstan Respýblıkasynda berilgen júrgizýshi kýáligin kórsetken kezde 1 táýligine 100 lıtrge deıingi kólemde – 1 lıtr úshin 205 teńge; Qazaqstan Respýblıkasynda berilgen júrgizýshi kýáligin jáne motoıklderge, jeńil, júk, arnaıy, mamandandyrylǵan avtomobılder men avtobýstarǵa kólik quralyn tirkeý týraly kýálikti kórsetken kezde 1 táýligine 300 lıtrge deıingi kólemde – 1 lıtr úshin 205 teńge;

3) dızel otyny (jazǵy, maýsymaralyq) – 1 lıtr úshin 315 teńge; Qazaqstan Respýblıkasynda berilgen júrgizýshi kýáligin kórsetken kezde 1 táýligine 100 lıtrge deıingi kólemde – 1 lıtr úshin 295 teńge;

Qazaqstan Respýblıkasynda berilgen júrgizýshi kýáligin jáne júk, arnaıy, mamandandyrylǵan avtomobılder men avtobýstarǵa kólik quralyn tirkeý týraly kýálikti kórsetken kezde 1 táýligine 300 lıtrge deıingi kólemde – 1 lıtr úshin 295 teńge.». Qujat alǵash resmı jarııalanǵannan keıin 10 kún ótken soń kúshine enetinin eskertilgen.