الەم جاڭالىقتارىجاڭالىقتار
ەو Google-عا 2,95 ملرد ەۋرو ايىپپۇل سالدى
ەۋروپالىق كوميسسيا Google كومپانياسىنا 2,95 ميلليارد ەۋرو كولەمىندە ايىپپۇل سالدى, دەپ حابارلايدى Qandastar.kz ەuronews-كە سىلتەمە جاساپ.
ايىپپۇلعا «AdX» جارناما الماسۋ قۇرالى مەن باسپاگەرلەرگە ارنالعان جارناما سەرۆەرى جانە جارناما ساتىپ الۋ قۇرالدارىن پايدالانا وتىرىپ, نارىقتاعى ۇستەمدىگىن تەرىس قولدانۋى سەبەپ بولعان.
ەندى Google مۇددەلەر قاقتىعىسىن جويۋعا قاتىستى ناقتى شارالار ۇسىنۋى ءتيىس. ەگەر بۇل ورىندالماسا, ءبىز ەش ويلانباستان قاتاڭ شارا قولدانامىز. تسيفرلىق نارىقتار ادامدارعا قىزمەت ەتۋ ءۇشىن بار جانە ولار سەنىم مەن ادىلدىككە نەگىزدەلۋى كەرەك, – دەلىنگەن ەو-نىڭ باسەكەلەستىك ماسەلەلەرى جونىندەگى كوميسسارى تەرەسا ريبەرانىڭ مالىمدەمەسىندە.
Google-دىڭ قولىندا باسەكەلەستىككە قارسى دەپ تانىلعان تاجىريبەنى توقتاتۋ ءۇشىن 60 كۇن ۋاقىت بار.
ەۋروكوميسسيا Google-عا قاتىستى ونلاين-جارناما تەحنولوگيالارى سالاسىنداعى رەسمي تەرگەۋدى 2021 جىلدىڭ ماۋسىمىندا باستاعان بولاتىن.
كومپانيا ۆيتسە-پرەزيدەنتى لي-ەنن مالحوللاند ايىپپۇلدى «نەگىزسىز» دەپ اتاپ, تالاپ ەتىلىپ وتىرعان وزگەرىستەر «مىڭداعان ەۋروپالىق كاسىپورىندارعا زيان كەلتىرىپ, ولاردىڭ تابىس تابۋىن قيىنداتاتىنىن» ايتتى.
جۇما كۇنى Google بۇل شەشىمگە شاعىم تۇسىرەتىنىن مالىمدەدى.
شەشىم اقش اكىمشىلىگىمەن اراداعى شيەلەنىستىڭ كۇشەيۋى اياسىندا قابىلدانعان. ويتكەنى اقش پرەزيدەنتى دونالد ترامپ جۋىردا ەۋروپالىق بيلىك امەريكاندىق ءىرى تەحنولوگيالىق كومپانيالارعا قىسىم كورسەتۋدى جالعاستىرسا, ەو-عا قارسى جاڭا تاريفتەر ەنگىزەتىنىن ەسكەرتكەن ەدى.
