ەو ۋكرايناعا جونەلتۋ ءۇشىن اقش-تان قارۋ ساتىپ الماق

الداعى ۋاقىتتا ەۋروپالىق وداق ەلدەرى ۋكرايناعا اسكەري قولداۋ كورسەتۋ ءۇشىن وزگە ەلدەن قارۋ جاراق ساتى الۋى مۇمكىن. مىسالى, ەو اقش-تان ءىرى كولەمدە قارۋ-جاراق ساتىپ الۋدى كوزدەپ وتىر, دەپ حابارلايدى Qandastar.kz اقپاراتتىق پورتالى Bloomberg اگەنتتىگىنە سىلتەمە جاساپ.

باسىلىم مالىمەتىنشە, ەو ەلدەرىندە ۋكرايناعا قاجەتتى قارۋ-جاراق پەن وندىرىستىك قۋات جەتكىلىكسىز بولعاندىقتان, ۆاشينگتوننىڭ كومەگىنسىز كيەۆكە اسكەري قولداۋ كورسەتۋ مۇمكىن ەمەس.

اگەنتتىكتىڭ دەرەككوزدەرى اقش-تاعى ىقتيمال بيلىك اۋىسۋىنا الاڭداۋشىلىق بىلدىرەدى. ولاردىڭ پىكىرىنشە, اقش-تىڭ بۇرىنعى پرەزيدەنتى دونالد ترامپ بيلىككە قايتا كەلسە, ۋكرايناعا كومەك كورسەتۋدەن باس تارتۋى مۇمكىن. مۇنداي جاعدايدا ەۋروپا ءوز بەتىمەن ۋكرايناعا قارۋ جەتكىزۋدى جالعاستىرۋ ءۇشىن امەريكالىق جۇيەلەردى ساتىپ الۋعا دايىن.

ەگەر ترامپ ۋكرايناعا امەريكالىق قارۋ بەرۋدەن باس تارتسا, ەۋروپا بۇل مىندەتتى ءوز موينىنا الادى, – دەلىنگەن ماتەريالدا.