ەر ادام ماسا شاققاننان كەيىن ءۇش اۋرۋ جۇقتىرىپ, كوماعا ءتۇستى

فوتو: pixabay.com

اقش-تىڭ نيۋ-گەمپشير شتاتىندا ماسانىڭ شاققان سوڭ ءۇش ءتۇرلى اۋرۋعا شالدىققان ەر ادام اۋرۋحانادان شىقتى. بۇل تۋرالى Stan.kz اقپارات اگەنتتىگى WCAX پورتالىنا سىلتەمە جاساپ حابارلايدى.

مالىمەتتەرگە سەنسەك, 55 جاستاعى دجو كەيسي تامىز ايىندا ماسا شاققاننان كەيىن شىعىستىق جىلقى ەنتسەفاليتىن جۇقتىرعان. بۇل ورتالىق جۇيكە جۇيەسىن زاقىمدايتىن قاۋىپتى ۆيرۋستىق اۋرۋ. اۋرۋ نەگىزىنەن جىلقىلار اراسىندا تارالادى, بىراق ادامدارعا دا جۇعۋى مۇمكىن. اۋرۋدى ماسالار تاسىمالدايدى.

باس اۋىرىپ, دەنە قىزۋى كوتەرىلەدى. سونىمەن قاتار دەنە قالتىراپ, السىزدىك, قۇسۋ جانە تىرىسۋلار بولادى.

ال باتىس ءنىل ۆيرۋسىندا جانە سەنت-لۋيس ەنتسەفاليتىندە كوما ءتۇسۋ جاعدايى باسىم. سونىڭ سالدارىنان ول كوماعا ءتۇسىپ, وندا ءۇش اپتا جاتقان. بۇل ۋاقىتتا دارىگەرلەر ونىڭ ءومىرى ءۇشىن كۇرەستى. ويانعاننان كەيىن ەر ادام جۇرە دە, سويلەي دە المادى.

ءۇش اۋرۋمەن كۇرەسۋ كەيسيدىڭ يممۋندىق جۇيەسىن قاتتى السىرەتكەن. ونىڭ مي جاسۋشالارىنا قىسىم تۇسىرگەن, باس سۇيەگىندە سۇيىقتىق جينالعانى انىقتالدى. دارىگەرلەر ەر ادامنىڭ جاعدايىن انوماليالىق دەپ اتادى. ولار جىلىنا تەك 1000 امەريكالىققا وسى اۋرۋلاردىڭ بىرەۋى عانا دياگنوز قويىلاتىنىن اتاپ ءوتتى.

امەريكالىقتارعا كۇن باتقاننان كەيىن كوشەگە شىقپاۋعا كەڭەس بەرىلدى.
دجو كەيسيگە 2,5 ايعا سوزىلاتىن وڭالتۋ كۋرسىنان ءوتۋ قاجەت.

ول اتا-انالارعا وزدەرى مەن بالالارىنا ۇنەمى ماسالارعا قارسى سپرەي قولدانىپ ءجۇرۋدى ەسكەرتىپ, «جاۋدىڭ كولەمىنە قاراپ كەمسىتپەڭىزدەر» دەپ اقش تۇرعىندارىنا ۇندەۋ جاسادى.