Er adam júkti áıeliniń ishin ustaǵany úshin feldsherdi aıaýsyz uryp-soqqan

Túrkistanda medıınalyq kómek kórsetýge barǵan feldsher soqqyǵa jyǵyldy. Túsik tastaý qaýpimen shaqyrtqan kelinshekti kórýge barǵan medıına qyzmetkerin paıenttiń kúıeýi uryp tastaǵan, dep habarlaıdy Qandastar.kz KTK arnasyna silteme jasap.

Oqıǵa jedel járdem shaqyrtqan erli-zaıyptynyń páterinde bolǵan. 26 jastaǵy feldsher túsik tastaý men soqyr ishekten kúdiktenip, aıaǵy aýyr kelinshektiń ishin ustap teksergen. Alaıda onyń áreketi naýqastyń kúıeýine unamaı qalǵan. Er adam ashýǵa boı aldyryp, medıına qyzmetkerin soǵyp tastaǵan.

«Aldymen betinen judyryqpen urdy, oń jaq betinen urdy. Urǵan kezde basy qabyrǵaǵa soǵylyp, otyryp qaldy. Aıaǵymen bar kúshimen betinen tepti. Meń-zeń boldy. Keıin aıaǵymen úshinshi ret tepti. Sol kezde ıyǵyna tıdi. Iyǵyna tıgennen keıin, anasy artynan qushaqtap ajyratyp aldy», — dedi jedel járdem stanııasynyń praktıkanty Janel Qýanyshbek.

Aýyr soqqy alǵan jedel járdem qyzmetkeri mıy shaıqalyp, qazir aýrýhanada jatyr.

«Tıisti dıagnostıka zertteýi júrgizilip, jabyq bas jaraqaty, mıynyń shaıqalýy, kóziniń jumsaq tinderi zaqymdanǵan, gematoma dıagnozymen travmatologııa bólimshesine jatqyzyldy. Qazir naýqastyń densaýlyǵy ortasha aýyr. Tıisti mamandardyń keńesi taǵaıyndaldy», — dep habarlady aýrýhana ókilderi.

Jedel járdem stanııasynyń aqparatynsha, qos tarap kelisimge kelip, jábirlenýshi ózin soqqyǵa jyqqan azamatqa keshirimin bergen. Feldsher polıııaǵa aryz jazbaǵan. Alaıda medıınalyq mekeme eńbek ınspekııasyna aryz bergen.