«Er adamnyń gınekolog bolyp jumys isteýi haram»: Imam dárigerlerge úndeý jasady

Danııar Kenjeuly esimdi din ókiliniń dáriger gınekolog bolyp jumys isteıtin er adamdar týraly aıtqan vıdeosy tarady, dep habarlaıdy  qandastar.kz  Skifnews.kz aqparat portalyna silteme jasap.

Onyń aıtýynsha, er adam bóten áıeldiń áýret jerine qarasa, áıeldiń ózi de, qyzy da oǵan haram bolýy múmkin.

”Er adamnyń gınekolog bolyp jumys isteýi sharıǵatta quptalmaıdy. Áıelderdi de olarǵa jiberýge bolmaıdy. Sen qalaı áıelińdi bóten erkektiń aldyna aparyp, butyn taltaıtyp, jatqyzyp qoıasyń?! Ol — óte úlken arsyzdyq. Sol úshin erler basqa mamandyqty alý kerek. Qudaıǵa shúkir, áıel gınekologtar tolyp jatyr. Eger, bir elde nemese jerde múlde áıel gınekolog bolmasa nemese sol nársege múlde qabileti joq bolsa, amaldyń joǵynan zárýlik turǵysynan ǵana er adam sol oqýdy oqı alady. Biraq qazirgi tańda qoǵamda áıel gınekologtar óte kóp. Kimde kim bireýdi shahýatpen baryp ustasa nemese áýret jerine qaraıtyn bolsa, haramdyq bekitilip ketedi. Iaǵnı, ómir boıy saǵan qyzy da, anasy da haram bolady. Mysaly, sen gınekolog bolyp jumys istep jatsyń. Aldyńa bir úlken áıel keldi. Sen onyń áýretine shahýatpen qarap ne bolmasa ustaıtyn bolsań, ony qyzy saǵan haram bolyp ketedi. Sen bilmeısiń ǵoı. Múmkin, bolashaqta sen sonyń qyzyn alatyn shyǵarsyń. Er adamnyń gınekolog, akýsher bolyp jumys isteýine bolmaıdy, aram!”, — deıdi ol.

Atalmysh vıdeo jeli qoldanýshylary arasynda qyzý talqylanýda.

”Osyndaı qarańǵy kózqaras qaıdan kelgen”, “Dáriger retinde aıtaıyn, áıel aýyryp, qınalyp jatqanda rahattanyp, shahýat shyǵyp kórmepti. Medıınanyń barlyq salasynda operaııaǵa ıkemdi er adam bolyp keledi. Mamandyǵym bolǵasyn jasaımyz”, “Sondyqtan qyzdaryńdy oramalmen qymtaı bermeı, oqytyńdar”, “Basqa aıtatyn nárse qalmady ma”, — dep jazdy olar.