جاڭالىقتار
«ەر جىگىتكە ءتان ارەكەت جاساۋى كەرەك قوي»: ۇوك باس حاتشىسى قىزمەتىنەن بوساتىلعان جانار وتەشەۆا جەلىدە جازبا قالدىردى
فوتو: Getty Images
قازاقستان ۇلتتىق وليمپيادالىق كوميتەتىنىڭ باس حاتشىسى قىزمەتىنەن بوساتىلعان جانار وتەشەۆا قىزمەتىنە كەتۋىنە بايلانىستى ويىن ءبىلدىردى. بۇل تۋرالى qandastar.kzStan.kz اقپارات اگەنتتىگىنە سىلتەمە جاساپ حابارلايدى.
جانار وتەشەۆا قىزمەتىنە كەتۋىنە بايلانىستى Instagram جەلىسىندەگى پاراقشاسىندا جازبا جاريالادى.
“سەنىمدى جوعالتپاعان» دوستاردان كەلگەن قوڭىراۋلار لەگىندە شەك جوق. مەندە ءبارى جاقسى, بارىنە كوپ راحمەت! اقپاراتقا قاتىستى تەك ءبىر نارسە ايتا الامىن. سىزدەرگە ۇسىنىلعان نۇسقادا «شيكى» تۇستار كوپ. ولاردىڭ ورنى ۋاقىت وتە كەلە تولاتىن بولار. وعان دەيىن ەشقانداي پىكىر بىلدىرە المايمىن. كەم دەگەندە بىرەۋ ەر جىگىتكە ءتان ارەكەت جاساۋى كەرەك قوي», – دەدى جانار وتەشەۆا.
ايتا كەتەيىك, بۇعان دەيىن قازاقستان ۇلتتىق وليمپيادالىق كوميتەتى پرەزيدەنتىنىڭ بۇيرىعىمەن باس حاتشىنىڭ سەنىمحات نەگىزىندە بەرىلگەن وكىلەتتىگى جويىلعانى حابارلانعان ەدىك. جانار وتەشەۆا بيىل 26 اقپاندا ۇوك باس حاتشىسى بولىپ تاعايىندالعان. سونداي-اق ول ۇزاق جىلدار بويى گەننادي گولوۆكيننىڭ PR-كەڭەسشىسى, مەنەدجەرى بولىپ قىزمەت اتقارادى.
