«Er jigitke tán áreket jasaýy kerek qoı»: UOK bas hatshysy qyzmetinen bosatylǵan Janar О́tesheva jelide jazba qaldyrdy

Foto: Getty Images

Qazaqstan Ulttyq Olımpıadalyq komıtetiniń bas hatshysy qyzmetinen bosatylǵan Janar О́tesheva qyzmetine ketýine baılanysty oıyn bildirdi. Bul týraly qandastar.kzStan.kz aqparat agenttigine silteme jasap habarlaıdy.

Janar О́tesheva qyzmetine ketýine baılanysty Instagram jelisindegi paraqshasynda jazba jarııalady.

“Senimdi joǵaltpaǵan» dostardan kelgen qońyraýlar leginde shek joq. Mende bári jaqsy, bárine kóp rahmet! Aqparatqa qatysty tek bir nárse aıta alamyn. Sizderge usynylǵan nusqada «shıki» tustar kóp. Olardyń orny ýaqyt óte kele tolatyn bolar. Oǵan deıin eshqandaı pikir bildire almaımyn. Kem degende bireý er jigitke tán áreket jasaýy kerek qoı», – dedi Janar О́tesheva.

Aıta keteıik, buǵan deıin Qazaqstan Ulttyq Olımpıadalyq komıteti prezıdentiniń buıryǵymen bas hatshynyń senimhat negizinde berilgen ókilettigi joıylǵany habarlanǵan edik. Janar О́tesheva bıyl 26 aqpanda UOK bas hatshysy bolyp taǵaıyndalǵan. Sondaı-aq ol uzaq jyldar boıy Gennadıı Golovkınniń PR-keńesshisi, menedjeri bolyp qyzmet atqarady.