Erasyl Qajybaev «Qazaqstan barysy – 2024» týrnıriniń jeńimpazy atandy

Erasyl Qajybaev. Foto: «Qazaqstan barysy» baspasóz qyzmeti

Astanada ótken qazaq kúresinen XIII respýblıkalyq «Qazaqstan barysy» týrnıriniń jeńimpazy anyqtaldy. Bul týraly qandastar.kz KAZ.NUR.KZ-ke silteme jasap habarlaıdy.

Astanadaǵy «Barys Arena» sport kesheninde qazaq kúresinen HIII respýblıkalyq «Qazaqstan barysy» týrnıriniń fınalynda Ersultan Muzapparov (Shymkent qalasy) pen Erasyl Qajybaev (Abaı oblysy) beldesti. Nátıjesinde «Qabanbaı» laqapatymen belgili Erasyl Qajybaev qarsylasynan basym tústi.

Al atalmysh jarystyń 3-oryn úshin beldesýinde Saıat Shamshıev (Abaı oblysy) pen Ádil Orazbaev (Ásker barysy) sheberlik baıqasqan bolatyn. Nátıjesinde Saıat Shamshıev sońǵy sekýndtarda qarsylasynan jeńisti julyp aldy. Aıta keteıik, týrnırdiń jalpy júlde qory 27 100 000 teńgeni quraıdy, onyń ishinde 3 720 000 teńge sportshylardyń jattyqtyrýshylaryna beriledi. Júldeler kelesideı bólinedi: 1-oryn úshin – 15 000 000 teńge, 2-oryn úshin – 3 300 000 teńge, 3-oryn úshin – 1 080 000 teńge. Ár jeńiske jetken beldesýi úshin balýan 100 000 teńge alady.