Erbaıan Muhtardyń advokaty málimdeme jasap, jańa derekter ashylǵanyn aıtty

Foto: ashyq derekkóz

Áskerge saý baryp, múgedek bolyp oralǵan Erbaıan Muhtar isi boıynsha jańa derekter belgili boldy. Sarbazdyń advokaty Inga Imanbaı Erbaıannyń isi boıynsha saraptama daıyn bolsa da, quzyrly organdar ony bermeı jatqanyn aıtyp, dabyl qaqty, dep habarlady qandastar.kz

«Erbaıannyń isi boıynsha saraptama daıyn. Birneshe kúnnen beri sizderge aıtar jańalyǵym bar dep júrgenim osy edi. Negizi, saraptama áldeqashan daıyn bolǵan. Biraq tergeýshi ony eki kún buryn ǵana aıtty. Al, keshe saraptamamen tanysýym kerek edi. Men tergeýshini kelisken ýaqytta kúttim, ol qońyraýǵa jaýap bergen joq. Kesh bolyp ketkesin telefonyna habarlama jazdym. Jaýaby maǵan syltaý, ýaqyt sozý sııaqty kórindi. Tergeýge qatysty kúmánim kúsheıdi. Áıtpese, daıyn turǵan saraptamamen tanystyrýdyń nesi qıyn? Sondyqtan, is burmalanyp, kináliler, Erbaıandy osy kúıge jetkizgender jazasyz qala ma degen kúmánim kúsheıdi. Jaǵdaıdy osy jerge ashyq jazyp, tergeýden, quzyrly organdardan jaýapty ashyq talap etemin», — dedi Inga Imanbaı.