جاڭالىقتار
ەربايان مۇحتاردىڭ ىسىنە قاتىستى دەرەك شىقتى
فوتو: سكرين ۆيدەو
باس اسكەري پروكۋروردىڭ ءبىرىنشى ورىنباسارى ماقسات قازيەۆ بورىشىن وتەۋ كەزىندە باسىنان اۋىر جاراقات العان مەرزىمدى سارباز ەربايان مۇحتارعا قاتىستى ءىس بويىنشا تەرگەۋ قالاي ءجۇرىپ جاتقانىن ايتتى, — دەپ حابارلايدى qandastar.kz Massaget.kz-كە سىلتەپ.
ماقسات قازيەۆتىڭ ايتۋىنشا, بۇل ءىس بويىنشا تەرگەۋ ءالى دە جالعاسىپ جاتىر.
«جەدەل تەرگەۋ ءىس-شارالارى جۇرگىزىلىپ جاتىر. قىلمىستىق كودەكستىڭ 201-بابىنا سايكەس تەرگەۋ ناتيجەلەرىنە پىكىر بىلدىرە المايمىز, ويتكەنى ول كوپ ادامنىڭ مۇددەسىن قوزعايدى. تەرگەۋ باس پروكۋراتۋرانىڭ, باس اسكەري پروكۋروردىڭ ەرەكشە باقىلاۋىمەن جۇرگىزىلىپ جاتىر. ۇلتتىق ۇلان ساربازدىڭ اتا-اناسىمەن بايلانىستا», — دەدى قازيەۆ.
ونىڭ سوزىنشە, قازىر بۇل ءىس بويىنشا ناقتى كۇدىكتىلەر جوق.
