Erbolat Dosaev almatylyqtarǵa úndeý jasady

Almatynyń eks-ákimi Erbolat Dosaev qala turǵyndaryna úndeý jasady, dep habarlaıdy qandastar.kz

Eń aldymen, týǵan qalama elimizdiń tarıhyndaǵy eń kúrdeli kezeńderdiń birinde qyzmet etýge múmkindik bergeni úshin Memleket basshysyna tereń rızashylyǵymdy bildiremin. Bul men úshin zor qurmet qana emes, úlken jaýapkershilik te boldy. Jumysymnyń basynan bastap men osy joǵary senimdi aqtaý úshin barlyq bilimim men jınaǵan tájirıbemdi qoldanýǵa tyrystym jáne Almatyny turaqty damý jolyna shyǵarý maqsatyn ustandym, — deıdi eks-ákim.

Sondaı-aq ol ózi qalany basqarǵan úsh jyl ishinde qalada 57 oqý orny jáne 12 densaýlyq saqtaý nysany salynǵanyn ne jańartylǵanyn aıtty.

Búgin osy múmkindikti paıdalana otyryp, qıyn-qystaý sátterde belsendi atsalysyp, qoldaý kórsetkenderińiz úshin barshańyzǵa shyn júrekten alǵys bildiremin. Men ómir súrý sapasy joǵary jáne jaıly qalalyq ortasy bar, eń zamanaýı ári damyǵan megapolıs retinde Almatynyń bolashaǵyna shyn júrekten senemin, — dep qorytyndylady Erbolat Dosaev.