جاڭالىقتار
ەردوعان قولىن سۇيمەگەن 5 جاسار بالانىڭ بەتىنەن شاپالاقپەن ۇرىپ جىبەردى
فوتو: gercekhaberci.com
تۇركيا پرەزيدەنتى رەجەپ تايىپ ەردوعان قولىن سۇيمەگەن بەس جاسار بالانىڭ بەتىنەن شاپالاق ۇرىپ جىبەرگەن, – دەپ حابارلايدى Massaget.kz تىلشىسى.
بۇل وقيعا «ايدەر ءۇستىرتىن قورعاۋ جانە جاڭارتۋ جوباسى, اپاتتى ۇيلەردىڭ كىلتىن تاپسىرۋ جانە جاپپاي اشىلۋ راسىمىندە» ورىن العان. بۇل تۋرالى Gerçek Haberci پورتالى حابارلادى.
تۇرىكتەردە ءداستۇر بويىنشا كىشىلەر ۇلكەندەردىڭ قولىن ءسۇيىپ, قۇرمەتىن كورسەتەدى. تۇركيانىڭ ريزە قالاسىنداعى اشىلۋ سالتاناتىندا بالالار پرەزيدەنتتىڭ قولىنان سىيلىق الۋ ءۇشىن ساحناعا شىقتى. ەردوعان ساحناعا شىققان بەس جاسار بالاعا ءسۇيۋ ءۇشىن قولىن سوزادى, الايدا بالا ونىڭ قولىن سۇيمەي, ابدىراپ تۇرىپ قالادى. تۇركيا پرەزيدەنتى ونىڭ بەتىنەن شاپالاقپەن قاعىپ, قولىن ءسۇيۋى كەرەگىن ىمدايدى. سودان كەيىن عانا بالا پرەزيدەنتتىڭ قولىن ءسۇيىپ, ەردوعان ونىڭ قولىنا اقشا ۇستاتادى. ۆيدەودا بەس جاسار بالادان كەيىن ەرەسەكتەۋ بالا كەلىپ پرەزيدەنتتى قۇشاقتاپ العانىن كورۋگە بولادى.
ەردوعاننىڭ بۇل ارەكەتىنە قاتىستى حالىقتىڭ پىكىرى ەكىگە ءبولىندى. ءبىر توبى پرەزيدەنتتىڭ بالاعا جاساعان ەسكەرتۋى تىم قاتال بولعانىن ايتسا, ەكىنشى ءبىر توپ حالىقتىڭ داستۇرىنە بالالارعا ۇيرەتۋدى پرەزيدەنتتەن ۇيرەنۋ كەرەگىن العا تارتادى.
