Erdoǵan qolyn súımegen 5 jasar balanyń betinen shapalaqpen uryp jiberdi

Foto: gercekhaberci.com

Túrkııa Prezıdenti Rejep Taıyp Erdoǵan qolyn súımegen bes jasar balanyń betinen shapalaq uryp jibergen, – dep habarlaıdy Massaget.kz tilshisi.

Bul oqıǵa «Aıder ústirtin qorǵaý jáne jańartý jobasy, apatty úılerdiń kiltin tapsyrý jáne jappaı ashylý rásiminde» oryn alǵan. Bul týraly Gerçek Haberci portaly habarlady.

Túrikterde dástúr boıynsha kishiler úlkenderdiń qolyn súıip, qurmetin kórsetedi. Túrkııanyń Rıze qalasyndaǵy ashylý saltanatynda balalar prezıdenttiń qolynan syılyq alý úshin sahnaǵa shyqty. Erdoǵan sahnaǵa shyqqan bes jasar balaǵa súıý úshin qolyn sozady, alaıda bala onyń qolyn súımeı, abdyrap turyp qalady. Túrkııa prezıdenti onyń betinen shapalaqpen qaǵyp, qolyn súıýi keregin ymdaıdy. Sodan keıin ǵana bala prezıdenttiń qolyn súıip, Erdoǵan onyń qolyna aqsha ustatady. Vıdeoda bes jasar baladan keıin eresekteý bala kelip prezıdentti qushaqtap alǵanyn kórýge bolady.

Erdoǵannyń bul áreketine qatysty halyqtyń pikiri ekige bólindi. Bir toby prezıdenttiń balaǵa jasaǵan eskertýi tym qatal bolǵanyn aıtsa, ekinshi bir top halyqtyń dástúrine balalarǵa úıretýdi prezıdentten úırený keregin alǵa tartady.