Jańalyqtar
Ereýilge shyqqan munaıshylary «erte zeınetke shyǵý» baǵdarlamasynyń qatysýshylary bolyp shyqty
![](https://qandastar.kz/wp-content/uploads/2023/12/872db041-1f43-4470-b858-af7ce4c5cdae-960x500-1-780x405.jpeg)
Agenttik aqparat kóziniń habarlaýynsha, Mańǵystaý oblysynda ereýilge shyqqan «West Oil Software» JShS (WOS) qyzmetkerleri «merziminen buryn zeınetke shyǵý» dep atalatyn «5/50» baǵdarlamasynyń qatysýshylary bolyp tabylady.
«West Oil» qyzmetkerleri zańǵa qaıshy talaptardy kóterýi alǵash ret emes. Mysaly, 2021-2022 jyldary olar ózderi jumys isteıtin kompanııaǵa ulttyq statýs berýdi talap etti. Onyń ústine ereýildeýshiler 2017-2018 jyldary «merziminen buryn zeınetke shyǵý» – «5/50» baǵdarlamasyna qatysqan adamdar. Iaǵnı, olar bes jyl buryn birden jalaqynyń 50 paıyzyn alyp, jumystan shyqqan», – dedi senbide QazTAG redakııasyna jaǵdaımen tanys derekkóz ıesi.
Onyń aıtýynsha, osy jaǵdaı Aqtaýdaǵy qurylys naryǵyn kótergen.
«Baǵdarlamaǵa qatysýshylar arasynda zeınetkerlik jasqa jaqyn adamdar ǵana emes, sonymen qatar eńbekke qabiletti 35 jastaǵy eazamattar da boldy. Shamasy, bes jyl jumys istemeýge bolady dep eseptep, baǵdarlamaǵa qatysýǵa sheshim qabyldaǵan. Olardyń árqaısysy mıllıondaǵan qarajat aldy, bir bóligi kólik, endi biri Aqtaýda turǵyn úı satyp ala bastady. Bul jerde júzdegen adamdar týraly áńgime júrip jatyr. Bir ýaqytta naryqqa qansha qarajat túskenin elestetip kórińizshi – Aqtaýda qurylys býmy bastaldy, oǵan kommýnıkaııalyq ınfraqurylym ilese almady. Aqtaýdaǵy jylý men sýǵa baılanysty qazirgi jaǵdaı is júzinde sol oqıǵalardyń saldary», – dedi agenttikke suhbat berýshi.
Sondaı-aq, ol «5/50» baǵdarlamasyna qatysý erikti bolǵanyn atap ótti.
«Eshkim eshkimdi qatysýǵa májbúrlegen joq. Olar aqshasyn aldy. Aqyldy adamdar sol arqyly kásip ashty. Kóbisi West Oil kompanııasyna jumysqa ornalasty. Endi olar zańsyz ǵana emes, aqylǵa qonymsyz jańa talaptarmen ereýilge shyǵýda. Muny kópshilik túsinedi. Munaıshylar arasynda ózara yntymaqtastyqtyń myqty ekenin jaqsy bilemiz. Ádiletsizdik oryn alǵan kezde keıbir kompanııadaǵy munaıshylar bas kóterse, olarǵa basqa kompanııalardyń munaıshylary da qosylyp, ereýilge shyǵa bastaıdy. Bul joly olaı emes, óıtkeni basqa kompanııalarda munaıshylar West Oil jumysshylarynyń talaptarynyń aqylǵa qonymsyzdyǵyn túsinedi. Tipti, kóptegen adamdar ereýilshilerdiń áreketterine degen tańdanysyn jasyrmaıdy», – dedi derekkóz.
Mańǵystaý oblysynyń ákimdigi QazTAG agenttigine West Oil Software kompanııasynyń barlyq ereýilge shyqqan qyzmetkerleri – «5/50» baǵdarlamasynyń qatysýshylary ekenin rastap otyr.
«2017-2018 jyldary Oil Transport Corporation JShS (OTK) jekelegen qyzmetkerleri taraptardyń kelisimi boıynsha eńbek qatynastaryn merziminen buryn buzý baǵdarlamasyn («5/50» baǵdarlamasy) paıdalandy. Onyń ornyna olar bes jyldyq kezeńdegi laýazymdyq jalaqysynyń 50% mólsherinde aqshalaı ótemaqy aldy. Onyń ishinde 517 burynǵy OTK qyzmetkerleri WOS-qa jumysqa ornalasty. 2023 jylǵy 1 qazandaǵy jaǵdaı boıynsha WOS-ta OTK-nyń 454 burynǵy qyzmetkeri jumys isteıdi», – dep habarlady Mańǵystaý oblysy ákimdigi.
Ákimdikte habarlaǵandaı, jalpy sany 4801 qyzmetker bosatylǵan. Bir qyzmetkerge ortasha eseppen 11 mln teńge, jalpy quny 44 mlrd teńge ótemaqy tólengen.
Oblys ákimdiginde atap ótkendeı, «WOS shtatyna aýysqysy keletin jumysshylarǵa bes jyl boıy jumys oryndarynyń saqtalýyna, belgili bir mólsherdegi jalaqy deńgeıi men eń tómengi áleýmettik paketke kepildik berildi».
«Jumys ornynan aýysý kezinde ortasha jalaqy 235 650 teńge bolǵan. 2021 jyldyń qyrkúıeginde WOS qyzmetkerleriniń jalaqysy 36%-ǵa ósip, ortasha eseppen 322 975 teńgege jetken. Sondaı-aq, áleýmettik paket ekiden 18 pozıııaǵa deıin ulǵaıtylyp, jyl saıynǵy jalaqyny ındeksteý engizildi. 2022 jyly ortasha jalaqy 652 596 teńgeni qurady jáne áleýmettik paketti 18-den 30 pozıııaǵa deıin keńeıtý týraly Ujymdyq shart jasaldy. 2023 jyly WOS boıynsha ortasha jalaqy 735 616 teńgeni qurady», – dep naqtylady oblys ákimdiginde.
Esterińizge sala keteıik, buǵan deıin Mańǵystaý oblysynda «West Oil Software» JShS qyzmetkerleriniń ereýili zańsyz dep tanylǵan bolatyn, al kompanııanyń osy jaǵdaıǵa baılanysty uńǵymalarda apat qaýpi týyndaýy múmkin ekenin málimdegen bolatyn.