«ەركەك ءتۇزۋ جۇرۋگە ءتيىستى ەمەس, ايەل كونۋ كەرەك» — تامارا اسار

بەلگىلى ءانشى تامارا اساردىڭ باعدارلاماسىندا ايتقان ءسوزى جۇرت اراسىندا ۇلكەن پىكىرتالاسقا ۇلاستى. ول وتباسىنداعى ەر مەن ايەلدىڭ قارىم-قاتىناسى تۋرالى ويىن ءبىلدىرىپ, ايەلدىڭ توزىمدىلىگى مەن مەيىرىمىن ەرەكشە اتاپ ءوتتى, دەپ حابارلايدى Qandastar.kz Skifnews.kz اقپارات پورتالىنا سىلتەمە جاساپ

«ەر ادامدى ايەل ادام ارتىعىراق ءسۇيىپ, ادىلەتسىزدىگىنە دە كونە ءبىلۋ كەرەك. ەر ادام ءتۇزۋ جۇرۋگە ءتيىس ەمەس. قازىرگى بولىپ جاتقان پروبلەما – ايەلدەر ادىلەتسىزدىكتى قابىلداي الماعاندىقتان تۋىندايدى», – دەدى تامارا اسار.

بۇل ءسوز كوپشىلىكتىڭ نازارىن اۋدارىپ, الەۋمەتتىك جەلىدە قىزۋ تالقىلانۋدا.

جەلى قولدانۋشىلارىنىڭ پىكىرى ەكىگە ءبولىندى:

قولداعاندار:
– «ايەل – شاڭىراقتىڭ ۇيىتقىسى, توزىمدىلىك تانىتپاسا وتباسى ۇزاققا بارمايدى»;
– «ەر ازاماتتى سىيلاعان سايىن ول دا باعالايدى, تامارا حانىم دۇرىس ايتادى»;
– «بۇل – ومىرلىك تاجىريبەدەن الىنعان ءسوز». 

قارسى شىققاندار:
– «ادىلەتسىزدىككە كونە بەرۋ – ايەلدىڭ قۇقىعىن تاپتاۋ»;
– «ءوزىن سىيلامايتىن ادامعا ءتوزۋدىڭ قاجەتى جوق»;
– «ەر ادام جاۋاپكەرشىلىكتەن قاشپاي, ءتۇزۋ جۇرۋگە ءتيىس». 

وسىلايشا, تامارا اساردىڭ پىكىرى قوعامدا قىزۋ تالقىعا ءتۇسىپ, وتباسىداعى تەڭدىك پەن ايەلدىڭ ءرولى تۋرالى پىكىرلەردى قايتا قوزعادى.