ەركىن تۇقىموۆ قىزمەتىنەن بوساتىلدى

مەملەكەت باسشىسىنىڭ وكىمىمەن ەركىن ۆاليتحان ۇلى تۇقىموۆ قازاقستان رەسپۋبليكاسى پرەزيدەنتىنىڭ جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى لاۋازىمىنان بوساتىلدى.

بۇل تۋرالى اقوردانىڭ ءباسپاسوز قىزمەتى حابارلادى.

ول بۇل قىزمەتكە 2022 جىلى تاعايىندالعان بولاتىن.

ءبىلىمى:

1992-1997 جج. – ۆارشاۆا ۋنيۆەرسيتەتىنىڭ حالىقارالىق قاتىناستار ينستيتۋتىن بىتىرگەن (پولشا);

2014-2026 جج. – گارۆارد ۋنيۆەرسيتەتىنىڭ دجون ف. كەننەدي ات. مەملەكەتتىك باسقارۋ مەكتەبىنىڭ  مەملەكەتتىك باسقارۋ ماگيسترى (اقش).

ساياسي عىلىمدارىنىڭ كانديداتى (2004 ج.)

قازاق, ورىس, اعىلشىن جانە پولياك تىلدەرىن مەڭگەرگەن.

ەڭبەك جولى:

قازاقستان رەسپۋبليكاسى سىرتقى ىستەر مينيسترلىگىنىڭ ءىى سىنىپتى توتەنشە جانە وكىلەتتى ۋاكىلى.

2022 جىلدىڭ قاڭتار ايىندا قازاقستان رەسپۋبليكاسىنىڭ پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى لاۋازىمىنا تاعايىندالدى.

2019–2022 جج. – قازاقستاننىڭ رەسەيدەگى ەلشىلىگىنىڭ كەڭەسشى ۋاكىلى.

2018–2019 جج. – قازان قالاسىنداعى قازاقستان رەسپۋبليكاسىنىڭ باس كونسۋلى.

2016–2018 جج. قازاقستان رەسپۋبليكاسى قاۋىپسىزدىك كەڭەسىنىڭ تالداۋ ءبولىمىنىڭ باسشىسى.

2010–2014 جج. قازاقستان رەسپۋبليكاسى قاۋىپسىزدىك كەڭەسىنىڭ تالداۋ ءبولىمىنىڭ باسشىسى.

2008–2010 جج. – قازاقستان رەسپۋبليكاسى سىرتقى ىستەر مينيسترلىگى ورتالىق ازيا دەپارتامەنتىنىڭ ديرەكتورى.

2008 ج. – قازاقستان رەسپۋبليكاسى سىرتقى ىستەر مينيسترلىگى ورتالىق ازيا دەپارتامەنتى ديرەكتورىنىڭ ورىنباسارى.

2007–2008 جج. – قر پرەزيدەنتى اكىمشىلىگىنىڭ اقپاراتتىق-تالداۋ ورتالىعىنىڭ ستراتەگيالىق تالداۋ سەكتورىنىڭ مەڭگەرۋشىسى, ستراتەگيالىق دامۋ جانە تالداۋ ورتالىعىنىڭ سەكتور مەڭگەرۋشىسى.

2000–2005 جج. – قر پرەزيدەنتى جانىنداعى قسزي-دىڭ سىرتقى ساياساتتى زەرتتەۋ ءبولىمىنىڭ مەڭگەرۋشىسى.

1997–2000 جج. – قر پرەزيدەنتى جانىنداعى قسزي-دىڭ اعا عىلىمي قىزمەتكەرى.