Erlan Qarın: Qazaq tili qurıdy degen kompleksten arylý kerek

Foto: ashyq derekkóz

Memlekettik keńesshi kesheli beri órship turǵan memlekettik tilge qatysty daýǵa pikir bildirdi dep jazady qandastar.kz 

Erlan Qarınniń atap ótkenindeı, bılik álemjelilerde qazaq tiliniń mártebesine qatysty ártúrli pikir aıtylyp, qyzý talqynyń taqyrybyna aınalǵanyn kórip, bilip otyr. Memkeńesshi qazaqtildi aýdıtorııanyń osy tarapta oı bóliskenin, kózqarasyn ashyq bildirgenin quptaıdy. «Biraq «bılik qazaq tiline qııanat jasady» deý – bos áńgime, daýryqpa sóz. Attanǵa salyp, aıǵaıǵa basyp, joq jerden shý shyǵaratyndaı eshteńe bolǵan joq.

Áshkere telegram arnasy jazǵandaı, Assambleıa sessııasynda Prezıdent osyny taǵy da anyq aıtty», — deıdi Erlan Qarın. Onyń paıymdaýynsha, qazaq tiliniń bolashaǵyna qatysty pessımıstik oıdan arylatyn ýaqyt jetti. Kerisinshe, qazaq tiliniń qoǵamdaǵy róli jyl ótken saıyn artyp keledi. Eń bastysy, qazaq tili – jastardyń tiline aınalýda. Jas ǵalymdar, ónerpazdar, kásipkerler ana tilimizdi keńinen qoldanyp, óz baǵyttarynda barynsha damytyp jatyr. Sóı degen Qarın: «Demek «qazaq tiliniń bolashaǵy joq» dep aıtý eshqandaı qısynǵa kelmeıdi. Biraq bul jerde bir nárseni túsinýimiz kerek: memlekettik tildiń mártebesi «ur da jyq» ádispen óspeıdi.

Memlekettik tildiń mártebesin arttyrý naqty josparmen, júıeli jumyspen atqarylady. Sondyqtan týǵan tilimizdiń tamyryn tereńdetý isin aldaǵy ýaqytta da aqyl-parasatpen atqarýǵa tıispiz», — deıdi. Memkeńesshi sóziniń toq eterinde, elimizde ulttyq biregeılikti dáripteıtin aýqymdy bastamalar qolǵa alynyp jatqanyn tilge tıek etken eken. «Ulttyq merekemiz Naýryz jańasha sıpat alyp, ózgeshe atalyp jatyr. «Ulttyq kıim kúnin» qoǵam óte jyly qabyldady. Bıyl alǵash ret ótken «Ulttyq kitap kúni» de halqymyzǵa paıdaly bastamanyń biri bolmaq. Osylaı bári birte-birte retke keledi», — deıdi osy oraıda Erlan Qarın.