جاڭالىقتار
ەرلان قارين قازاقستان ازاماتتىعىنان شىققاندار سانى 16 ەسەدەن استام ازايعانىن ايتتى
فوتو: اشىق دەرەككوز
مەملەكەتتىك كەڭەسشى ەرلان قارين 2024 جىلعى 20 قاراشادا ازاماتتىق ماسەلەلەر جونىندەگى كوميسسيانىڭ كەزەكتى وتىرىسىن وتكىزدى, دەپ حابارلايدى qandastar.kz
اقوردا مالىمەتىنشە, جيىندا قازاقستان ازاماتتىعىنا قابىلداۋ جانە ودان شىعارۋ ماسەلەلەرى قارالدى.
«باسقوسۋدا ەرلان قارين سوڭعى 5 جىلدا ەلىمىزدىڭ ازاماتتىعىنان باس تارتقان ادامداردىڭ سانى ازايىپ كەلە جاتقانىن جانە بۇل ءۇردىس قازاقستان ازاماتتىعى ينستيتۋتىنىڭ بەدەلى ارتا تۇسكەنىن ايعاقتايتىنىن اتاپ ءوتتى»,- دەلىنگەن اقپاراتتا.
مىسالى, 2019 جىلى 1,7 مىڭ ادام ازاماتتىقتان باس تارتسا, 2020 جىلى – 944, 2021 جىلى – 123, 2022 جىلى – 114, 2023 جىلى – 107, ال 2024 جىلدىڭ 10 ايىندا 30 ادام ازاماتتىقتان شىققان.
بۇعان دەيىن ەرلان قاريننىڭ قازاقستاندىقتار ءۇشىن جەڭىس كۇنى – ماڭىزدى ءارى قاسيەتتى داتا ەكەنىن ايتقانى حابارلانعان بولاتىن.
