جاڭالىقتار
ەرلان قارين: تاريحي, مادەني ورىنداردى بۇلدىرگەندەرگە قاتىستى جاۋاپكەرشىلىك كۇشەيتىلدى
فوتو: اقوردا
مەملەكەتتىك كەڭەسشى ەرلان قارين كۇنى كەشە پرەزيدەنت ۆانداليزمگە قارسى كۇرەس ماسەلەسىنە قاتىستى نورماتيۆتىك اكتىلەرگە وزگەرىستەر ەنگىزۋدى كوزدەيتىن زاڭعا قول قويعانىن ەسكە سالدى, دەپ حابارلايدى Zakon.kz.
ونىڭ ايتۋىنشا, بۇل — ۇلتتىق قۇرىلتايدىڭ ءۇشىنشى وتىرىسىندا كوتەرىلگەن باستامالاردى جۇزەگە اسىرۋ اياسىندا قابىلدانعان ءتورتىنشى زاڭ.
«بۇدان بۇرىن ۆەيپتەرگە تىيىم سالۋعا, ايەلدەردىڭ قۇقىقتارىن قورعاۋعا جانە بالالاردىڭ قاۋىپسىزدىگىنە, «ايبىن» وردەنىنىڭ ءتۇرلى دارەجەلەرىنە باتىرلاردىڭ ەسىمىن بەرۋگە قاتىستى زاڭعا قول قويىلعان بولاتىن. مەملەكەت باسشىسى اتىراۋدا سويلەگەن سوزىندە تارتىپسىزدىك پەن مادەنيەتسىزدىك سىندى كەسەلدەرگە قارسى كۇرەسۋگە شاقىرىپ, ءۆانداليزمدى تەرىس قىلىق دەپ اتاپ ءوتتى», دەپ جازدى قارين Telegram-داعى پاراقشاسىندا.
