Erlan Qarın: Tarıhı, mádenı oryndardy búldirgenderge qatysty jaýapkershilik kúsheıtildi

Foto: Aqorda

Memlekettik keńesshi Erlan Qarın kúni keshe Prezıdent vandalızmge qarsy kúres máselesine qatysty normatıvtik aktilerge ózgerister engizýdi kózdeıtin zańǵa qol qoıǵanyn eske saldy, dep habarlaıdy Zakon.kz.

Onyń aıtýynsha, bul — Ulttyq quryltaıdyń úshinshi otyrysynda kóterilgen bastamalardy júzege asyrý aıasynda qabyldanǵan tórtinshi zań.

«Budan buryn veıpterge tyıym salýǵa, áıelderdiń quqyqtaryn qorǵaýǵa jáne balalardyń qaýipsizdigine, «Aıbyn» ordeniniń túrli dárejelerine batyrlardyń esimin berýge qatysty zańǵa qol qoıylǵan bolatyn. Memleket basshysy Atyraýda sóılegen sózinde tártipsizdik pen mádenıetsizdik syndy keselderge qarsy kúresýge shaqyryp, vandalızmdi teris qylyq dep atap ótti», dep jazdy Qarın Telegram-daǵy paraqshasynda.