جاڭالىقتار
ەرلان قارين: ۇلتتىق قۇرىلتاي – بىرەگەي يدەيالار مەن ستراتەگيالىق قادامدار ۇسىناتىن ەڭ باستى ينستيتۋت
بۇگىن ۇلتتىق قۇرىلتايدىڭقۇرىلعانىنا ءۇش جىل تولدى. وسىورايدا مەملەكەتتىك كەڭەسشى ەرلانقارين قۇرىلتايدىڭ ايرىقشاماڭىزىنا توقتالىپ ءوتتى, دەپ جازدى qandastar.kz
مەملەكەتتىك كەڭەسشىنىڭ مالىمدەۋىنشە, ۇلتتىق قۇرىلتاي وسى ۋاقىت ىشىندە قازاقستان قوعامىن ورتاق ماقساتقا جۇمىلدىرۋعا ارنالعان بىرەگەي يدەيالار مەن ستراتەگيالىق قادامدار ۇسىناتىن ەڭ باستى ينستيتۋتقا اينالدى.
قۇرىلتاي مۇشەلەرى وسى قۇرىلىمنىڭ بۇعان دەيىنگى ءتورت وتىرىسى مەن جۇمىس كەزدەسۋلەرىندە كوپتەگەن باستاما كوتەردى. ونىڭ باسىم بولىگى ورىندالدى.
قۇرىلتايدا:
• قوعامدا ەڭبەك قۇندىلىعى يدەولوگياسىن ىلگەرىلەتۋدىڭ 2020-2025 جىلدارعا ارنالعان كەشەندى جوسپارى;
• قازاقستان رەسپۋبليكاسىندا ءتىل ساياساتىن دامىتۋدىڭ 2023–2029 جىلدارعا ارنالعان تۇجىرىمداماسى;
• قازاقستان رەسپۋبليكاسىنىڭ اقپاراتتىق دوكتريناسىن جۇزەگە اسىرۋدىڭ 2023–2025 جىلدارعا ارنالعان ءىس-قيمىل جوسپارى;
• ناشاقورلىققا جانە ەسىرتكى بيزنەسىنە قارسى كۇرەستىڭ 2023-2025 جىلدارعا ارنالعان كەشەندى جوسپارى (قازىر بۇل جوسپاردىڭ 2026-2028 جىلدارعا ارنالعان نۇسقاسى ازىرلەنىپ جاتىر);
• زاڭسىز ويىن بيزنەسىنە جانە لۋدومانياعا قارسى كۇرەستىڭ 2024–2026 جىلدارعا ارنالعان كەشەندى جوسپارى;
• وقۋشىلار مەن جاستار اراسىندا ەلەكتروندى تەمەكى/ۆەيپ تۇتىنۋدىڭ الدىن الۋدىڭ 2023–2025 جىلدارعا ارنالعان جول كارتاسى;
• «بالالار كىتاپحاناسى» باعدارلاماسى;
• ۆولونتەرلىكتى دامىتۋ مەن قولداۋدىڭ 2024–2026 جىلدارعا ارنالعان جول كارتاسى سياقتى ماڭىزدى قۇجاتتاردى قابىلداۋ ۇسىنىلدى.
قۇرىلتايدىڭ گۋمانيتارلىق باعىتتاعى جۇمىستارى دا ايرىقشا ماڭىزدى. اتاپ ايتقاندا:
• «ازىرەت سۇلتان» تاريحي-مادەني مۋزەي-قورىعىنا ۇلتتىق مارتەبە بەرىلدى;
• ياساۋي مۇرالارىن زەرتتەۋگە ارنالعان عىلىمي ورتالىق قۇرىلدى. قوجا احمەت ياساۋي مۇرالارى جونىندە حالىقارالىق سيمپوزيۋم ءوتتى.
• جالپىۇلتتىق قۇندىلىقتاردى نەگىزگە الا وتىرىپ, مەكتەپتەرگە ارنالعان «ادال ازامات» ءبىرتۇتاس تاربيە باعدارلاماسى دايىندالدى.
• ۇلتتىق كىتاپ كۇنى بەلگىلەندى. ونى بيىل 23-ءشى ساۋىردە العاش رەت اتاپ وتتىك.
ۇلتتىق قۇرىلتايدا كوتەرىلگەن باستامالاردى جۇزەگە اسىرۋ اياسىندا 16 زاڭ قابىلداندى. بۇل – قۇرىلىمنىڭ تيىمدىلىگىن ايقىندايتىن ناقتى كورسەتكىش. اتاپ ايتقاندا:
1. «قازاقستان رەسپۋبليكاسىنداعى مەرەكەلەر تۋرالى» زاڭعا تۇزەتۋلەر ەنگىزىلدى (25-قازان – «رەسپۋبليكا كۇنى» ۇلتتىق مەرەكە مارتەبەسىنە يە بولدى);
2. «تۇركىستان قالاسىنىڭ ەرەكشە مارتەبەسى تۋرالى» زاڭ قابىلداندى;
3. «مەملەكەتتىك جاستار ساياساتى تۋرالى» زاڭعا تۇزەتۋلەر ەنگىزىلدى;
4. كرەاتيۆتى يندۋستريانى قولداۋعا ارنالعان زاڭنامالىق شارالار قابىلداندى;
5. عىلىم جانە ءبىلىم بەرۋ ماسەلەلەرى جونىندەگى زاڭنامالارعا تۇزەتۋلەر ەنگىزىلدى;
6. جۇمىسشى ماماندىقتارىنىڭ مارتەبەسىن كوتەرۋ ءۇشىن 9 قۇرمەتتى اتاق بويىنشا تۇزەتۋلەر ەنگىزىلدى;
7. ايەلدەردىڭ قۇقىعى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا تۇزەتۋلەر ەنگىزىلدى;
8. ەسىرتكى وندىرۋشىلەر مەن ونى تاسىمالداۋشىلاردىڭ جاۋاپكەرشىلىگىن سارالاۋ جونىندە تۇزەتۋلەر ەنگىزىلدى;
9. شەگۋگە كەلمەيتىن تەمەكى ونىمدەرى مەن ۆەيپتەرگە تىيىم سالۋ
جونىندە تۇزەتۋلەر ەنگىزىلدى;
10. ويىن بيزنەسى, لوتەرەيا جانە لوتەرەيا قىزمەتى ماسەلەلەرى جونىندە تۇزەتۋلەر ەنگىزىلدى;
11. ۆانداليزممەن كۇرەس جانە تابيعي وبەكتىلەردى قورعاۋ جونىندە تۇزەتۋلەر ەنگىزىلدى;
12. بۇقارالىق اقپارات قۇرالدارى جونىندەگى زاڭنامالارعا تۇزەتۋلەر ەنگىزىلدى;
13. «ونلاين-پلاتفورمالار جانە ونلاين-جارناما تۋرالى» زاڭ قابىلداندى;
14. «ايبىن» وردەنىنىڭ ءتۇرلى دارەجەسىنە مايدانگەر-باتىرلارىمىز ساعادات نۇرماعامبەتوۆتىڭ, باۋىرجان مومىش ۇلىنىڭ جانە راقىمجان قوشقارباەۆتىڭ ەسىمىن بەرۋ تۋرالى تۇزەتۋلەر ەنگىزىلدى;
15. ونوماستيكاعا جانە سيمۆوليكالاردىڭ بىرىڭعاي ستاندارتىنا قاتىستى تۇزەتۋلەر ەنگىزىلدى;
16. مەملەكەتتىك ناگرادالارعا تولىقتاي نەمەسە ونىڭ كەيبىر ەلەمەنتتەرىنە ءتۇر-سيپاتى ۇقساس ناگرادالاردى دايارلاۋعا, ونىمەن ماراپاتتاۋعا تىيىم سالاتىن زاڭ قابىلداندى.
بۇعان قوسا, قازىر تاعى 5 زاڭ جوباسى, اتاپ ايتقاندا:
1. ارحەولوگيا سالاسىنا قاتىستى;
2. ارنايى قاجەتتىلىكتەرى بار بالالاردى كەشەندى قولداۋ تۋرالى;
3. عىلىم قالاشىقتارىن قۇرۋ تۋرالى;
4. كوممەرتسيالىق ەمەس ۇيىمدار تۋرالى;
5. مەملەكەتتىك الەۋمەتتىك تاپسىرىس تۋرالى زاڭ جوبالارى ازىرلەنىپ جاتىر. ولاردى دا قابىلداۋ جوسپارلانىپ وتىر.
ۇلتتىق قۇرىلتاي ەل دامۋىنا قاتىستى ۇزاق مەرزىمگە ارنالعان كۇن ءتارتىبىن قالىپتاستىراتىن ماڭىزدى قۇرىلىمعا اينالدى.
اتاپ ايتقاندا, ۇكىمەت قۇرىلتايدىڭ ءۇشىنشى وتىرىسىنىڭ قورىتىندىسىنا سايكەس 2029 جىلعا دەيىنگى ۇلتتىق ينفراقۇرىلىم جوسپارىن بەكىتىپ, جۇزەگە اسىرىپ جاتىر.
ال قۇرىلتايدىڭ 4-ءشى وتىرىسىندا مەملەكەت باسشىسى تاۋەلسىزدىكتىڭ 40 جىلدىعىنا دەيىنگى ەل دامۋىنىڭ بەس باسىم باعىتىن ايقىنداپ بەردى. بۇل – تسيفرلاندىرۋ جانە جاساندى ينتەللەكت, كولىك جانە ترانزيت, ەنەرگەتيكا, اگروونەركاسىپ سەكتورى جانە ادام كاپيتالى.
