Erlan Qoshanov kıberalaıaqtardy qalaı toqtatýǵa bolatynyn aıtty

Foto:qaz365.kz

Parlament Májilisiniń tóraǵasy Erlan Qoshanov depýtattarǵa kıberalaıaqtyqqa qarsy zań jobasyn daıyndaýdy tapsyrdy, dep habarlaıdy,  dep habarlaıdy qandastar.kz

Májilis tóraǵasy Erlan Qoshanovtyń aıtýynsha, búginde alaıaqtardyń qońyraý shalmaǵan nemese kúmándi habarlama jibermegen adam kemde-kem.

«Búgin talqylanǵan negizgi taqyryp – kıberalaıaqtyq máselesi boldy. Ol túsinikti de.  Sońǵy ýaqytta ıfrlyq ortadaǵy qylmystardyń aýqymy da, odan týyndaıtyn qaýip-qater de edáýir artyp keledi. Sondyqtan sóz sóılegen depýtattar óte oryndy másele kóterip otyr. Biraq biz kinálini ǵana izdemeı, máseleniń sheshý jolyn qarastyrýymyz kerek. Qazirgi kezde kıberalaıaqtar qońyraý shalmaǵan nemese kúmándi habarlama jibermegen adam qalmaǵan shyǵar. Mundaı keleńsiz úrdis tek Qazaqstandy ǵana emes, búkil álemdi jaýlap aldy. Prezıdenttiń bul másele boıynsha tıisti tapsyrmasy bar. Elimizde buǵan qarsy kúres júrgizilip jatqanyna qaramastan, kıberqylmystar áli de tolastamaı tur.    Sondyqtan búgingi kúni kıberkeńistikte jaýapkershilikti odan ári kúsheıtý mańyzdy. Kıbershabýyldardyń basym bóligi shetelden keletini jáne transulttyq sıpatta bolatyny túsinikti. Biraq bul jerde jaýapkershilik osy tizbektiń barlyq qatysýshysyna birdeı qarastyrylýy kerek», – deıdi E. Qoshanov.

Erlan Qoshanovtyń sózinshe, kıberkeńistiktegi kıberalaıaqtyq úlken aýqym alyp ketken. О́ıtkeni kóptegen kıbershabýyl shetelden uıymdastyrylyp, transulttyq sıpatqa ıe. Degenmen bul tek qylmystyq toptarǵa ǵana emes, osy júıeniń barlyq qatysýshylaryna da jaýapkershilik júkteýge tıis.

«Iaǵnı, alaıaqtyq shemalardy uıymdastyrýshylar ǵana emes, oǵan yqpal etetinder de qatań jaýapqa tartylýǵa tıis. Ol – mobıldi operatorlar, qarjy uıymdarynyń qyzmetkerleri, dropperler jáne basqa da qatysýshylar. Bul týraly jańa depýtattar aıtty. Másele búgin ǵana kóterilip otyrǵan joq. Buǵan deıin de birneshe márte ýákiletti organdarǵa depýtattyq saýaldar joldanǵan edi. Osyǵan uqsas máseleler buǵan deıin de sheshimin tapty ǵoı. Esterińizde bolsa, kezinde mal urlyǵy el arasynda dúrbeleń týǵyzdy», – deıdi ol.

Májilis tóraǵasy Erlan Qoshanov kıberalaıaqtyqtyń jolyn kesý úshin qylmystyq jaýapkershilikti barynsha kúsheıtý qajet ekenin de basa aıtty.

«Brokonerler máselesi de ýshyǵyp turǵan bolatyn. Biz árqaısysy boıynsha jekelegen normalar qabyldap, qylmystyq jaýapkershilikti kúsheıttik. Sol arqyly atalǵan máselelerge tosqaýyl qoıdyq. Qyz urlaý da – ýshyqqan másele. Depýtattar kóterip, ol másele boıynsha da zańdy qataıtýdy qarastyryp jatyrmyz. Endi, mine, kıberalaıaqtyqpen de kúresti kúsheıtip, qylmystyq jaýapkershilikti barynsha qatańdatýǵa tıispiz. Zańdy kúsheıtpeı, halyqqa qolaısyzdyq týǵyzyp otyrǵan alaıaqtardyń áreketin toqtatý múmkin emes. Sondyqtan tıisti komıtetke shuǵyl túrde tıisti zań jobasyn daıyndaýdy tapsyramyn. Oǵan jańa bastama kótergen depýtattar da atsalysady dep oılaımyn», – dedi ol.