Erlan Qoshanov Salyq kodeksine engizilgen ózgerister týraly aıtty

Foto: Májilis

Májilis Tóraǵasy Erlan Qoshanov Salyq kodeksine engizilgen ózgerister eldiń damýyna septigin tıgizetinine toqtaldy. Bul týraly qandastar.kz Májilistiń baspasóz qyzmetine silteme jasap habarlaıdy.

Májilis Tóraǵasy Erlan Qoshanovtyń aıtýynsha, búgin óte mazmundy talqylaý boldy.

«Salyq kodeksi – tek salyq máselesi ǵana emes, ol ádilettik máselesi degendi jańa depýtattar durys aıtty dep oılaımyn. Salyq – óte sezimtal sala. Sebebi ár qazaqstandyq azamat, ár otbasy, ár qazaqstandyq bıznesmen búgingi bizdiń qabyldaǵan sheshimimizdi tikeleı sezinetin bolady. Sondyqtan Memleket basshysy Úkimet pen Parlamentke ádil, tıimdi ári boljamdy salyq júıesin qurýdy tapsyrdy. Búgin biz sol jańa Salyq kodeksin birinshi oqylymda talqyladyq. Bul talqylaý qyrkúıek aıynan beri jalǵasyp kele jatyr. Jumys tobynda óte kóp jumys atqaryldy. Sonymen qatar keshe Májilistegi «AMANAT» frakııasynyń otyrysynda da bul másele jan-jaqty qaralǵan bolatyn», – dedi Májilis Tóraǵasy.

Salyq kodeksi frakııa otyrystarynda jan-jaqty talqylandy.

«Eń alǵashqyda Májilis pen Úkimet arasynda kóp máselege qatysty ártúrli ustanym boldy. Taqylaý barysynda depýtattar Úkimetpen birge jumys istep, qyzý pikirtalastardan keıin biraz túıtkildi másele boıynsha ortaq sheshimge keldi. Solardyń negizgilerine toqtalyp óteıin.

Birinshi. Qosymsha qun salyǵynyń shekti mólsheri boıynsha ortaq mámilege keldik.

Bul qoǵamdy alańdatqan eń ózekti másele bolatyn. Úkimet usynǵan 15 mıllıon teńge shekti mólsherin 40 mln teńgege kóteretinin, ol boıynsha Úkimettiń ustanymyn jańa ǵana Jumanǵarın myrzanyń aýzynan  estidińizder.

Ekinshi. Árkim óz kirisine saı  salyq tóleıdi degen sheshimge kelip otyrmyz.

Mysaly, saýda-sattyqpen, qyzmet kórsetýmen aınalysatyn, taýar óndiretin shaǵyn jáne orta bıznes úshin arnaıy salyq rejımi jumys isteıtin bolady.

Iaǵnı, 4 paıyzdyq salyq mólsherimen qosymsha qun salyǵynsyz kásippen aınalysý múmkindigi tolyq saqtalady.

Oǵan qosa, bul múmkindikti keńeıtý maqsatymen «tyıym salynǵan kásipter tizimi» ázirlenedi.

Bul  – úlken sheshim.

Ol da arnaıy salyq rejıminiń qoldanylý aıasyn edáýir keńeıte túsedi.

Úshinshi. Iri bıznes úshin jeńildikter qysqartylady. Búgin ol týraly kóp aıtyldy.

Al bankter men oıyn bıznesi úshin tabys salyǵy ulǵaıtylady.

Bir sózben aıtqanda, qarapaıym halyqtyń qaltasyna salmaq túspeıdi.

Jańa salyq saıasatynyń kózdegeni de – osy», – dedi Erlan Qoshanov.