Erlan Qoshanov: Zań jobalary bizge shıki túrde keledi

Foto: Egemen.kz

Májilis tóraǵasy Erlan Qoshanov Úkimetpen birlesken jumysta túıtkildi tustar baryn jasyrmady, – dep habarlaıdy qandastar.kz.

«Zań jobalaryn daıyndaýdaǵy kemshilikter jyldan jylǵa qaıtalanyp keledi. Qujattar jetildirilip ázirlenbegen, sapasy tómen kúıde qalyp otyr. Biz bul týraly jyl saıyn aıtamyz.

Sonyń aıqyn mysaly – Sý kodeksiniń jobasy. Bul týraly depýtattar ǵana emes, mamandar da aıtyp jatyr. Qurylys kodeksiniń jobasynda da jaǵdaı uqsas. Zań jobasy óte shıki túrde keldi. Depýtattar ony ózgertip, qaıta jazýǵa májbúr boldy. Erekshe nazar aýdarýdy qajet etetin taǵy bir másele – zań jobalaryn Májiliske engizý merzimi», – dedi E.Qoshanov.

Qazir Parlament qorjynynda 71 zań jobasy bar. Depýtattyq korpýs endi Bıýdjet, Salyq, Qurylys, Sý kodeksteri boıynsha jumys isteıtin bolady. Sonymen qatar  múlde jańa ıfrlyq kodeks jaıly da aıtylyp jatyr.

Sybaılas jemqorlyqqa qarsy is-áreket, esirtkimen kúres, din, sot júıesindegi reformalar jáne basqa da máselelerge qatysty zań jobalary boıynsha aýqymdy jumys kútip turǵanyn da meńzedi Májilis tóraǵasy.