جاڭالىقتار
«ەرلى-زايىپتى بىرگە جۇمىس ىستەگەن»: قۇلسارىداعى جانارماي قۇيۋ بەكەتىندەگى جارىلىستان قازا بولعاندار تۋرالى اقپارات بەلگىلى بولدى
ۆيدەودان سكرينشوت
اتىراۋ وبلىسىنىڭ قۇلسارى قالاسىنداعى جانارماي قۇيۋ بەكەتىندە بولعان جارىلىستان مەرت بولعاندارعا قاتىستى مالىمەتتەر بەلگىلى بولدى, دەپ جازادى qandastar.kz
بۇل تۋرالى Stan.kz اقپارات اگەنتتىگى حابارلايدى.
جارىلىستان قازا تاپقاندار – ەرلى-زايىپتى. ەكەۋى دە جانارماي قۇيۋ بەكەتىندە جۇمىس ىستەگەن.
“جارىلىس بولعان كەزدە 43 جاستاعى ەر ادام تسيستەرنا ىشىندە بولعان. ونىڭ 40 جاستاعى ايەلى سول كەزدە جانارماي قۇيۋ بەكەتىنىڭ عيماراتىندا بولعان. ەكەۋى دە سول جەردە كوز جۇمدى”, – دەپ مالىمدەدىAtyrauoil.news پاراقشاسى.
ءورت ساعات 21:47-دە ءسوندىرىلدى. ال زارداپ شەككەندەر سانى 16 ادامعا دەيىن ءوستى.
وقيعا ورنىندا توتەنشە جاعدايلار دەپارتامەنتى, پوليتسيا جانە تەرگەۋ ورگاندارى جۇمىستى جالعاستىرىپ جاتىر. قايعىلى وقيعانىڭ سەبەپتەرى مەن ءمان-جايى انىقتالىپ جاتىر. قىلمىستىق ءىس قوزعالدى.
ەسكە سالساق, بۇعان دەيىن اتىراۋ وبلىسىنىڭ قۇلسارى قالاسىندا ورنالاسقان جانارماي قۇيۋ بەكەتىندە جويقىن جارىلىس بولىپ, 2 ادام قازا تاۋىپ, 14 ادام جارالانعانى تۋرالى جازعان ەدىك.
