جاڭالىقتار
ەرمەك ساعىمباەۆ ۇقك 4 تەرروريستىك اكتىنىڭ الدىن العانىن ايتتى
فوتو: اقوردا
پرەزيدەنت ۇلتتىق قاۋىپسىزدىك كوميتەتىنىڭ توراعاسىن قابىلدادى. ەرمەك ساعىمباەۆ جىل باسىنان بەرى قانداي جۇمىستار اتقارىلعانى تۋرالى ەسەپ بەردى, دەپ جازادى qandastar.kz
«ۇلتتىق قاۋىپسىزدىك ورگاندارى 4 تەرروريستىك اكتىنىڭ الدىن الدى. لاڭكەستىك سيپاتتاعى قىلمىس جاسادى دەگەن كۇدىكپەن ىزدەۋدە جۇرگەن قازاقستاندىق 6 ازامات سيريا مەن تۇركيادان ەكستراديتسيالانىپ, ولاردىڭ ەكەۋى سوتتالعان. تەرروريزم مەن ەكسترەميزمگە قاتىسى بار 824 شەتەلدىكتىڭ ەلىمىزگە كىرۋىنە جول بەرىلمەگەن. ىشكى ىستەر مينيسترلىگىمەن بىرگە 19 ۇيىمداسقان قىلمىستىق توپ اشكەرەلەندى, 60 ادام قاماۋعا الىنعان. 1,6 ترلن تەڭگەدەن استام كولەمدە مەملەكەتكە كەلتىرىلەتىن زالالعا توسقاۋىل قويىلدى. 46 ادام جەمقورلىق ارەكەت جاساعانى ءۇشىن سوتتالدى. سەملەكەتتىك ورگانداردىڭ اقپاراتتىق جۇيەلەرىنە 552 ميلليوننان استام كيبەرشابۋىل جانە 6 مىڭ DDoS-شابۋىلعا تويتارىس بەرىلدى», — دەدى ۇلتتىق قاۋىپسىزدىك كوميتەتى باسشىسى.
