Ermuhamed Máýlenniń aıtqany kele bastady: Qazaqstandyq eki tóreshi kelisilgen oıyn ótkizdi degen kúdikke ilindi

Tımýr Kýmashev pen Georgıı Chehovskıı maýsymnyń sońyna deıin jumysynan shettetildi. 

QFF Tórelik jáne ınspekııa departamentiniń dırektory Nýný Aleshandre Parreıra de Kashtrý Qazaqstan Premer-lıgasynyń 16-týry aıasynda ótken «Turan» men «Qyzyljar» matchyndaǵy tóreshiniń daýly sheshimine baılanysty resmı túsinikteme berdi, dep jazady  qandastar.kz     Alash.kz ulttyq portaly QFF-nyń baspasóz qyzmetine silteme jasap.

Tórelik jáne ınspekııa departamenti qoǵamda úlken rezonans týdyrǵan epızodty qarap, bas tóreshi Tımýr Kýmashev pen vıdeokómekshi Georgıı Chehovskııdiń kelisilgen oıyndarǵa qatysy bolýy múmkin degen QFF Integrıtı ofıeriniń málimetin zerttedi. 

12 shildede ótken matchtyń 84-mınýtyndaǵy epızod jan-jaqty taldanyp, beınematerıaldar qaraldy. Tóreshilerdiń túsiniktemeleri men sarapshylar pikiri tyńdaldy. 

– Tekserý barysynda «Turan» qorǵaýshysy shabýylshyny eki qolymen ustaǵany anyqtaldy. Alaıda shabýylshynyń keıingi áreketi: ádeıi qulaý jáne shynaıy janasýǵa saı kelmeıtin sımýlıaııa retinde baǵalandy. 11 metrlik aıyp dobyn belgileýge sebep bolǵanymen, bul jaǵdaıda eń durys sheshim – penaltı belgilemeý edi. Bas tóreshi men VAR tarapy epızodty jetkilikti kásibı deńgeıde baǵalamady. Sondaı-aq tóreshiler brıgadasynyń ózara úılesimdi áreket etpeýi saldarynan negizsiz sheshim qabyldanǵany tirkeldi, – delingen resmı túsiniktemede. 

Buǵan qosa, Tımýr Kýmashev osyǵan deıin QFF Integrıtı ofıeriniń usynysymen bir aıǵa tóreshilikten ýaqytsha shettetilgen bolatyn. Al Georgıı Chehovskııge qatysty tergeý júrgizilgenge deıin ony da qyzmetinen shettetý usynylǵan.

Atalǵan eki tulǵa da kelisilgen oıyndarǵa qatysy bar degen kúdikpen júrgizilip jatqan tergeýge ilikken.

QFF tóreshilik júıesine degen senimdi saqtaý jáne onyń bedelin qorǵaý maqsatynda, sondaı-aq Integrıtı ofıeriniń usynymyna sáıkes, Tımýr Kýmashev pen Georgıı Chehovskıı 2025 jylǵy maýsymnyń sońyna deıin QFF aıasyndaǵy matchtardan shettetildi.