ەرمۇحاممەد ماۋلەن: سپورت كوممەنتاتورلارى 14 مىڭ تەڭگە ءۇشىن 24 ساعات ەڭبەك ەتتى

“Qazaqstan” تەلەكورپوراتسياسى فۋتبولدان ەۋروپا چەمپيوناتىندا ەڭبەك ەتكەن كوممەنتاتورلارعا نەبارى 5 ملن تەڭگە شىعىنداعان. 96 ماتچ, ءبىر ماتچ ءۇشىن گونورار 20-اق مىڭ تەڭگە. مۇنى سپورت كوممەنتاتورى ەرمۇحاممەد ماۋلەن «سپورت پليۋس» يۋتۋب ارناسىنا بەرگەن سۇحباتىندا ايتتى, – دەپ حابارلايدى qandastar.kz

بۇعان دەيىن كوممەنتاتور «نەلىكتەن قازاق سپورت جۋرناليستيكاسىندا كوممەنتاتورلار از?» دەگەن ساۋالعا  ء«بىزدىڭ ەلدە سپورت ارناسى ساناۋلى بولعاننان كەيىن سايكەسىنشە كوممەنتاتورلار دا از. ەكى سپورت ارناسىنا 32 كوممەنتاتوردىڭ كەرەگى شامالى عوي. مەنىڭ ويىمشا, ءار ارناعا 10 كوممەنتاتوردان جەتەدى. سوندىقتان دا الدىمەن سپورت ارنالارىن كوبەيتۋگە باسىمدىق بەرۋ كەرەك.

 

بۇگىندە سپورت سالاسى بىرتىندەپ كوتەرىلىپ كەلە جاتىر. ەلىمىزدە جاڭادان ءبىر سپورت ارناسى اشىلۋدا. ولارعا كوممەنتاتورلار قاجەت. قازىرگى تاڭدا ەڭ ۇزدىكتەرىن ىرىكتەپ الۋ ءۇشىن كۋرس وتكىزىپ ۇستىندەمىن. وعان شامامەن 12 ادام قاتىسسا, اراسىنان 2-3 عانا كوممەنتاتور بولىپ شىعادى. كەيدە بىرەۋى ىرىكتەلىپ الىنسا دا قۋاناسىڭ» دەپ جاۋاپ بەرگەن بولاتىن.