ەرنار جيەمبايدىڭ ايەلى كۇيەۋىنىڭ ىسىنە قاتىستى مالىمدەمە جاسادى

Ulysmedia.kz كوللاجى

شىمكەنت قالاسى اكىمىنىڭ ورىنباسارى رۋسلان بەردەنوۆكە وق اتقانى ءۇشىن ەرنار جيەمبايدىڭ ايەلى بۇل قىلمىستىق ىسكە قاتىسى بار-جوعى تۋرالى سۇراققا جاۋاپ بەرۋدەن باس تارتتى, دەپ حابارلادى qandastar.kz kursiv.media-عا سىلتەمە جاساپ.

Instagram الەۋمەتتىك جەلىسىندە لۋيزا الدانوۆا قازىر دەپرەسسيادا جۇرگەنىن, الەۋمەتتىك جەلىدەگى پاراقشاسىن جابۋ نەمەسە ونى جەكە (پريۆاتنىي) اككاۋنتقا اينالدىرۋ تۋرالى ويلاپ جۇرگەنىن جازدى. سونداي-اق ول وقىرمانداردىڭ ءبىرى قويعان «ءبارى سىزدەن شىندىقتى جانە كۇيەۋىڭىزدىڭ ءسوزىن راستاعانىڭىزدى ەستىگىسى كەلەدى» دەگەن پىكىرگە جاۋاپ بەردى.

«ەشكىمگە ەشقانداي جاۋاپ بەرمەيمىن, بۇل جاعدايعا قاتىستى پىكىر بىلدىرمەيمىن», – دەپ جازدى ول.

ايتا كەتەيىك, 21 ساۋىردە شىمكەنت قالاسى اكىمدىگى عيماراتىنىڭ جانىندا اتىس بولىپ, قالا اكىمىنىڭ ورىنباسارى رۋسلان بەردەنوۆ جاراقات العان. سول كۇنى پوليتسيا ەرنار جيەمبايدى قاماۋعا الدى.