«ەرنارىمىز جازا باسقان ەكەن, قاتەلەسكەن ەكەن»: بەردەنوۆتى اتقان جىگىتتىڭ ايەلى مالىمدەمە جاسادى

شىمكەنت قالاسى اكىمىنىڭ ورىنباسارى رۋسلان بەردەنوۆكە شابۋىل جاسادى دەگەن كۇدىكتىنىڭ ايەلى وقيعاعا قاتىستى العاش رەت پىكىر ءبىلدىردى, دەپ حابارلايدى Qandastar.kz اقپارات پورتالى. 

قازاقستاندىق لۋيزا الدانوۆا Instagram جەلىسىندە ءوز جازباسىن جاريالادى.

ونىڭ ايتۋىنشا, وتكەن اي وتباسى ءۇشىن اۋىر سىناق بولدى. ەندى عانا ول جانە جاقىندارى ەسىن جيىپ, قالپىنا كەلە باستاعانىن ايتادى.

ايەل ء«ار مينۋت, ساعات, كۇنى» ​​ۋايىمداۋمەن بولعانىن, جاپا شەككەن بەردەنوۆتىڭ اماندىعى ۇشىن دۇعا ەتكەنىن اتاپ ءوتتى. جاقىندا الدانوۆا ونىڭ اۋرۋحانادان شىققانىن بىلگەنىن ءتۇسىندىردى. ول ونىڭ تەزىرەك ساۋىعىپ, جۇمىسقا ورالۋىن تىلەدى.

“جالپى, مەنىڭ جولداسىم ەرناردى, مەنى جانە ءبىزدىڭ اتا-انالارىمىزدى جاقسى بىلەتىن ادامدار, تانىستارىمىز, تۋىستارىمىز ءبىزدىڭ قانداي قاراپايىم, وتباسىن ءبىرىنشى ورىنعا قوياتىن جاندار ەكەنىمىزدى دە بىلەدى دەپ ويلايمىن. سونىمەن قاتار ولاردى ءبىزدىڭ جات ارەكەتتەرگە, جامان ىستەرگە بارمايتىنىمىزعا دا سەنىمدى دەپ بىلەمىن. دەسە دە ەرنارىمىز جازا باسقان ەكەن, قاتەلەسكەن ەكەن…”, – دەدى ايەل

ول بولعان وقيعانى تاعدىردىڭ سىناعى دەپ قابىلدايتىنىن جانە سابىرلى بولۋعا تىرىساتىنىن باسا ايتتى.

الدانوۆا وسى جاعدايعا “قاتىسى بار” دەگەن قاۋەسەتتى ءۇزىلدى-كەسىلدى جوققا شىعاردى.

“اتا-انادان كورگەن تاربيەم, بويعا سىڭگەن يمانىم مۇنداي ارسىز قىلىققا اتتاپ باستىرمايتىنى ايدان انىق. بارشاڭىزدىڭ قولداۋلارىڭىزعا, تىلەك-نيەتتەرىڭىزگە راحمەت ايتامىن!”, – دەدى ول.