جاڭالىقتار
ەرتەڭ ءماجىلىستىڭ جالپى وتىرىسى وتەدى
فوتو: اشىق دەرەككوز
27 قاراشا ساعات 10:00-دە ءماجىلىستىڭ جالپى وتىرىسى وتەدى, دەپ جازادى qandastar.kz
دەپۋتاتتار سۋ كودەكسىنىڭ جوباسىن جانە سۋ رەسۋرستارىن قورعاۋ مەن پايدالانۋ ماسەلەلەرى بويىنشا ىلەسپە تۇزەتۋلەردى ءبىرىنشى وقىلىمدا, ەسىرتكى, پسيحوتروپتىق زاتتار مەن ولاردىڭ پرەكۋرسورلارىنىڭ زاڭسىز اينالىمىنا قارسى كۇرەس تۋرالى زاڭ جوباسىن ەكىنشى وقىلىمدا قارايدى. سونداي-اق «2024-2026 جىلدارعا ارنالعان رەسپۋبليكالىق بيۋدجەت تۋرالى» زاڭعا ەنگىزىلەتىن تۇزەتۋلەردى, ازيا دامۋ بانكىمەن, ازيا ينفراقۇرىلىمدىق ينۆەستيتسيالار بانكىمەن جانە حالىقارالىق قايتا قۇرۋ جانە دامۋ بانكىمەن قارىز تۋرالى ءۇش كەلىسىمدى راتيفيكاتسيالاۋ جوبالارى تالقىلانادى.
سونىمەن قاتار «2025-2027 جىلدارعا ارنالعان رەسپۋبليكالىق بيۋدجەت تۋرالى» زاڭعا پارلامەنت سەناتى ۇسىنعان جاڭا رەداكتسيانى قارايدى. ءماجىلىس كوميتەتتەرى جاڭا زاڭ جوبالارىن جۇمىسقا قابىلدايدى. ولار: 2009 جىلعى 9 ماۋسىمداعى ەۋرازيالىق تۇراقتاندىرۋ جانە دامۋ قورىن قۇرۋ تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى; قازاقستان ۇكىمەتى مەن ساۋد ارابياسى كورولدىگى ۇكىمەتى اراسىنداعى جەل ەلەكتر ستانتسياسى جوباسىن ىسكە اسىرۋ تۋرالى كەلىسىمدى راتيفيكاتسيالاۋ تۋرالى; قازاقستان مەن رەسەي ۇكىمەتتەرى اراسىنداعى قازاقستان اۋماعىنىڭ كوكشەتاۋ, سەمەي جانە وسكەمەن قالالارىندا كومىر جاعاتىن جىلۋ ەلەكتر ورتالىقتارىن سالۋ جوبالارى جونىندەگى كەلىسىمدى راتيفيكاتسيالاۋ تۋرالى; قازاقستان مەن كيپر اراسىنداعى سوتتالعان ادامداردى بەرۋ تۋرالى كەلىسىمدى راتيفيكاتسيالاۋ تۋرالى زاڭ جوبالارى.
